Lospalos RCL VP, 10-12-2025: Eskola Pre-Eskolar Ira-Ara Lospalos, realiza Serimónia Graduasaun ba dala X, ba Estudante sira hamutuk na’in 55, ne’ebé ho tema ba Graduasaun ne’e mak “𝙀𝙨𝙠𝙤𝙡𝙖 𝙋𝙧𝙚-𝙀𝙨𝙠𝙤𝙡𝙖𝙧 (𝙀𝙋𝙀) 𝙡𝙞𝙪 𝙝𝙪𝙨𝙞 𝙃𝙖𝙡𝙞𝙢𝙖𝙧”, Estudante hirak ne’e tuir prosesu aprendizajen durante tinan ida, hodi prepara kontinua sira nia estudu iha Ensinu Báziku Primeiru Ano, tamba Pre-Eskolar mak sai baze ba dezenvolvimentu kapasidade no mentalidade ba labarik sira,tamba Gradua ba estudante sira ne’ebé hala’o iha areadores Eskola Pre-Eskolar Ira-Ara Lospalos,Munisipio Lautem.
Prezidente Autoridade Munisipál Lautém, . 𝗠é𝗹𝗶𝗼 𝗱𝗲 𝗝𝗲𝘀𝘂𝘀 , enkoraja ba Inan Aman estudante sira atu dudu nafatin oan sira ne’ebé ho idade tinan 3’4 to’o 5 hodi mai iha Eskola Pre-Eskolar Ira-Ara no Eskola Pre-Eskolar sira seluk, tamba estudante sira mak futuru no sei kaer nasaun ba Povu nia destinu.
‘’hau enkoraja nafafatin ba Inan Aman estudante sira atu dudu nafatin oan sira ne’ebé ho idade tinan 3’4 to’o 5 hodi mai iha Eskola Pre-Eskolar Ira-Ara no Eskola Pre-Eskolar sira seluk, tamba estudante sira mak futuru o sei kaer nasaun no Povu nia destinu.Tamba Estudante ne’e mak jerasaun kontinuador hodi hatutan mehi ita nia Heroi sira nian, katak atu Liberta ita nia rai ba Independente no hakarak mos atu Liberta ita nia Povu ba moris di’ak liu husi jerasaun kontinuador sira ne’ebé asesu hela Edukasaun,tamba Labarik sira mak futuru hodi asumi kargu ruma, no Inan Aman sira hotu atu apoiu, no Dudu nafatin ba Estudante sira lori sira nafatin asesu ba Edukasaun.
Entertantu Nudar Autoridade Munisipál Lautém agradese ba Professor/a sira nia dedikasaun tomak, Pasiensia no Vontade nafatin hodi hanorin estudante sira ne’ebé atu simu Graduasaun, nune’e mós tinan oin sei simu nafatin estudante foun,ho diak liu.
Jornalista: Sisi
Editor : El
