Lospalos rcl vp 13-11-2025= Eskola Tekniku Vokasional no 2 de lospalos hamutuk ho juventude suku muapitine hodi halao seminario konaba loron nasional juventude no komemorasaun 12 de novembru nian ho tema jeral hau orgulu nudar Timor oan ” Hodi fo Onra no Gloria ba juventude sira nebe sakrifika aan Nasaun Timor leste hodi hetan Independensia
Diretora Estv no 2 lospalos Lidiana Maria Espirito Santos Perreira hateten objektivu husi seminariu nee atu lori estudante sira hodi bele hatene historia Timor leste nian liu-liu ba loron nasional juventude no komemorasaun 12 de novembru nian. Tamba liu husi sira nia sakrifisiu ohin loron timor leste hetan idependensia. Tamba nee nia parte husu nafatin ba estudante sira hotu atu kontinua luta ba Dezenvolvimentu nasaun nian.
” Estudante nia prezensa ho komunidade iha nee,atu komemora loron 12 de novembru nian tamba loron ida ne’e nudar loron nasional juventude nian nebe selebra tinan tinan hodi fo onra ba joven feto mane nebe sakrifika aan ba no espiritu luta nian iha momentu nee sempre hakilar dehan ukun rasik aan mate ka moris ukun rasik aan. Tamba ne’e Ohin ita komemora loron juventude ba dala 20 no komemora 12 de novembru masakre santa kruz ba dala 34 prosesu luta ba libertasaun ida nee luta nain ho nia historia ketak ho fatin diferente maibe ho objektivu ida deit mak ukun rasik aan. No ita Nudar juventude kontinuador ita agradese ba sira nia luta, tamba sira nia luta ohin ita livre goja independensia ida nee maibe keta haluha ita nia tusan ba luta nain sira mak dezenvolve nasaun ho responsabilidade. Juventude labele sai nain ba konflitu maibe tenki sai nain ba solusaun, nudar juventude tenki tane aan ita nia kultura nudar identidade ita nia historia pasadu historia luta nain sira nian ita tenki hatene fatin luta nain sira nia no ita tenki tau historia ho lolos iha fatin lolos.” Dehan diretor iha nia diskursu.
Iha fatin hanesan xefe suku muapitine Livio mendes mos hateten Loron 12 novembru mos sai loron nasional ba juventudesira tamba ne’e povu munisipio Lautém tenki hamutuk hodi fo onra ba herois sira tamba liu husi sira nia sakrifisiu mak ita bele hetan Independesia
” 12 de novembru sai loron nasional ba juventude, loron nasional juventude ohin loron ita komemora loron importante ida nee iha suku muapitine hamutuk ho komunidade, estudante sira no entidade hotu nebe marka prezensa iha nee, atu fo hanoin ba ita, Juventude nebe mate ba rai ida nee ho objektivu importante atu liberta povu ida nee no ohin loron ita hamutuk iha nee atu hanoin fila fali sira nia terus no mate, sira nia raan nebe fakar ba rai ida ñee ohin loron rai ida nee independente livre no soberanu.” Hateten xefe suku.
Entretantu :selebrasaun loron juventude nasional ba dala XX no komemorasaun maskre santa krus ba 34 iha suku muapitine nebe selebra husi estudante no juventude muapiten hahu ho marsa, semirai, kari aifunan iha monumentu masakre mupitine no kari aifunan ba semiteriu vitima 12 de novembru nian .
Jornalista;veru
Editor;EL
