Universidade Nasionál Timor Lorosa’e (UNTL), liu husi Estrutura Universidade no Dosente Orientador Akadémiku sira entrega Estudante hamutuk sanolu resin hat( 14) hodi halo estajio iha autoridade munisipio lautém iha Sala VIP Administrasaun Autoridade Munisipál Lautém.
Nune’e Estrutura Universidade no Dosente Orientador Akadémiku sira ne’ebé akompaña Estudante Estájiariu husi UNTL nian hamutuk 14 kompostu husi Feto na’in 7 no Mane na’in 7, enkuantu Estudante Estájiariu sira ne’e sei hahú hala’o atividade estájiu nian ba programa rua mak hanesan Analfabetizasaun no Literasia Finanseira ne’ebé sei hala’o iha Suku Home durante fulan 2 nia laran.
Nune’e mós Estudante hirak ne’e sei hala’o atividade tuir Fakuldade ida-idak nian durante atividade estájiu nian.
Aleinde atividade estájiu sei realiza durante fulan rua, hahú iha loron 4 Setembru no sei remata iha loron 30 fulan Outobru 2025.
Depois entrega Estudante Estájiariu sira ba Autoridade Munisipál Lautém, Sekretáriu Munisipál Administrasaun no Finansas, Xefe Suku Home hamutuk ho Estrutura Universidade no Dosente Orientador Akadémiku sira hare direta fatin Sede Suku Home hodi atu hela, nune’e Estudante Estájiariu sira atu hala’o atividade estájiu nian.
Jornalista;ersi
Editor;El
