Lospalos rcl vp 31-08-2026= Estudante Universidade Nasionál Timor Lorosa’eka (UNTL), hamutuk 𝟑𝟖0, entrega ofisialmente ba 𝐀𝐮𝐭𝐨𝐫𝐢𝐝𝐚𝐝𝐞 𝐌𝐮𝐧𝐢𝐬𝐢𝐩á𝐥 𝐋𝐚𝐮𝐭é𝐦 hodi hala’o atividade 𝐄𝐬𝐭𝐚𝐣𝐢𝐮 𝐒𝐞𝐫𝐯𝐢𝐬𝐮 𝐒𝐨𝐬𝐢𝐚𝐥 𝐢𝐡𝐚 𝐊𝐨𝐦𝐮𝐧𝐢𝐝𝐚𝐝𝐞 durante fulan rua, hahú husi 27 Agostu to’o 27 Outubru 2026.
Reprezentante Prezidente Autoridade Munisipál Lautém, Diretor Servisu Munisipál Administrasaun no Rekursu Umanu (SMARU), 𝐁𝐞𝐫𝐧𝐚𝐫𝐝𝐨 𝐀𝐦𝐚𝐫𝐚𝐥 𝐋𝐨𝐩𝐞𝐬, hateten estudante sira husi UNTL nebe mai iha Autoridade Munisipál Lautém ne’e atu aprezenta sira an no sei entrega ofisial ba Administradór Postu no lider komunitária sira ba iha suku sira ne’ebé mak sira identifika ona.
“UNTL fiar Autoridade Munisipál Lautém atu simu no akompaña estudante sira hodi sira bele aprende, ajusta no aplika iha terenu buat sira ne’ebé sira aprende ona iha Universidade, Autoridade Munisipál Lautém, tuir prosesu, sei kontinua entrega estudante sira ba Administradór Postu no lider komunitária sira iha suku sira ne’ebé identifika ona, hodi fasilita estudante sira atu hala’o atividade Estajiu Servisu Sosial iha terenu.” dehan Sr. Bernardo.
Reprezentante Prezidente Autoridade Munisipál Lautém husu ba estudante sira atu mantein nafatin hodi halo 𝐤𝐨𝐦𝐮𝐧𝐢𝐤𝐚𝐬𝐚𝐮𝐧 𝐧𝐨 𝐤𝐨𝐨𝐫𝐝𝐞𝐧𝐚𝐬𝐚𝐮𝐧 𝐝𝐢’𝐚𝐤 ho Administradór Postu, lider komunitária no parte relevante sira.
‘’Hau husu nafatin ba estudante UNTL sira nebe atu halao sira nia estajio ka pratika iha munisipio lautém tenki mantein nafatin hodi halo 𝐤𝐨𝐦𝐮𝐧𝐢𝐤𝐚𝐬𝐚𝐮𝐧 𝐧𝐨 𝐤𝐨𝐨𝐫𝐝𝐞𝐧𝐚𝐬𝐚𝐮𝐧 𝐝𝐢’𝐚𝐤 ho Administradór Postu, lider komunitária no parte relevante sira iha iha baje’’. Reprezentante Prezidente Autoridade Munisipál Lautém, Diretor Servisu Munisipál Administrasaun no Rekursu Umanu (SMARU), 𝐁𝐞𝐫𝐧𝐚𝐫𝐝𝐨 𝐀𝐦𝐚𝐫𝐚𝐥 𝐋𝐨𝐩𝐞𝐬
No Estudante hirak ne’e mai husi departamentu hitu, kompostu husi Departamentu Relasaun Internasionál na’in 57, Departamentu Administrasaun Públika na’in 45, Departamentu Siénsia Polítika na’in 85, Departamentu Polítika Públika na’in 38, Departamentu Komunikasaun Sosial na’in 65, Departamentu Dezenvolvimentu Komunitária na’in 55, no Departamentu Inkluzaun Komunitária no Sosial na’in 35.
Entertantu: total estudante hirak ne’e sei distribui ba Postu Administrativu 𝐋𝐮𝐫𝐨, 𝐋𝐨𝐬𝐩𝐚𝐥𝐨𝐬, 𝐋𝐚𝐮𝐭é𝐦, 𝐓𝐮𝐭𝐮𝐚𝐥𝐚 𝐧𝐨 𝐋𝐨𝐫𝐞, nune’e bele hafasil sira nia aktividade stajio hodi tun diretamente ba iha komunidade
Jornalista;linda
Editor;EL
