Lospalos rcl vp 24-08-2026= Feto na’in 50 mak partisipa iha formasaun kona-ba lideransa transformative, ne’ebé organiza husi asosiasaun feto lautém, iha salaun enkontru cafetaria yayasan seraphine lospalos
Formasaun ne’e ho tema, promove no hakbiit kapasidade feto liu husi formasaun lideransa transformativa,hodi partisipa iha prosesu desentralizasaun poder lokal.
Prezidente Asosiasaun Feto Lautém, Rita koleseiu Amaral Fernandes hateten, Atividade ne’e ho objetivu mak atu hasa’e no haforsa kapasidade feto iha área lideransa, nune’e sira bele aumenta sira-nia partisipasaun iha prosesu tomada desizaun no dezenvolvimentu iha nivel lokal.
‘’ Atividade ne’e ho objetivu mak atu hasa’e no haforsa kapasidade feto iha área lideransa, nune’e sira bele aumenta sira-nia partisipasaun iha prosesu tomada desizaun no dezenvolvimentu iha nivel lokal.tamba liu husi formasaun ne’e, partisipante sira hetan koñesimentu no abilidade foun kona-ba lideransa transformative, hodi aumenta sira-nia konfiansa-an no preparasaun atu partisipa ativamente iha lideransa no prosesu desentralizasaun poder lokal,tamba formasaun ne’e mos konsidera hanesan oportunidade importante atu haforsa papel feto iha lideransa, no aumenta partisipasaun feto iha dezenvolvimentu komunidade no tomada desizaun iha nivel lokal.
Sekretáriu Munisípiu ba Asuntu Sosiais no organizasaun komunitária, francisco dos santos, mos husu ba feto sira atu aproveita didiak oportunidade formasaun ne’e, no agora prepara an hodi iha prontidaun atu partisipa no kompete iha eleisaun tuir mai,
‘’ Hau husu nafatin ba feto sira atu aproveita didiak oportunidade formasaun ne’e, no husi agora prepara an hodi iha prontidaun atu partisipa no kompete iha eleisaun sira tuir mai, liu-liu ba pozisaun lideransa no tomada desizaun iha nivel lokal , no partisipasaun feto iha prosesu polítiku no lideransa lokal importante tebes, tanba feto sira mos iha kapasidade, esperiénsia no kontribuisaun importante ba dezenvolvimentu komunidade’’ dehan Sekretáriu Munisípiu ba Asuntu Sosiais no organizasaun komunitária, francisco dos santos,
.iha fatin hanesan Ana fernandes dias quintas mos hateten nia sente orgullu tanba iha oportunidade atu partisipa iha formasaun lideransa transformativa ne’e
‘’ Hau sente orgullu tanba iha oportunidade atu partisipa iha formasaun lideransa transformativa formasaun ne’e importante, tanba aumenta sira-nia koñesimentu, kapasidade no konfiansa-an, hodi partisipa iha lideransa no prosesu tomada desizaun polítikaho koñesimentu no kapasidade ne’ebé sira hetan husi formasaun ne’e, feto sira prontu atu kompete ho mane sira iha prosesu polítiku, liu -liu iha eleisaun no disputa pozisaun lideransa iha nivel lokal.
Entretantu: formasaun ne’e realiza ho diak ,tamba hetan finanseiro husi gabinete apoiu sosiedade sivil, ho montante orsamentu hamutuk dólar amerikan rihun sanolu resin rua,mo husi montante ne’e, etapa primeira ba formasaun ne’e iha orsamentu dólar rihun nen, no etapa darua mos iha montante dólar rihun nen.
Jornalista;nito
Editor;EL
