Lospalos rcl vp 17-06-2026= funsionario kajuais hamutuk atus hat sei termina sira nia kontratu iha loron tolu nolu resin ida fulan junho tinan ida ne’e.
Autoridade Munisipal lautem,Konvoka enkontru hamutuk ho funsionario kajuais no funsionario suku hodi koalia kona ba kontratu ne’ebe, sei termina iha fulan junho ne’e.
prezidente autoridade munisipal lautem, melio de jesus hateten, funsionario kajuais iha diresaun servisu munisipal iha ema nain atus rua nen nolu resin hat, no funsionario suku nian iha ema nain atus ida tolu nolu resin nen ne’ebe, sira nia kontratu sei termina iha fulan junho tinan ida ne’e.
responsavel munisipal ne’e realsa laos autoridade munisipal maka hapara funsionario sira nia kontratu maibe, kontratu servisu nian maka termina,
‘’ Funsionario kajuais iha diresaun servisu munisipal iha ema nain atus rua nen nolu resin hat, no funsionario suku nian iha ema nain atus ida tolu nolu resin nen ne’ebe, sira nia kontratu sei termina iha fulan junho tinan ida ne’e,Responsavel munisipal ne’e realsa laos autoridade munisipal maka hapara funsionario sira nia kontratu maibe, kontratu servisu nian maka termina’’
prezidente Autoridade Munisipal Lautem ne’e, realsa funsionario kajuais sira ne’e sei asina fila fali sira Nia kontratu iha fulan julho maibe, sei hare ba kada funsionario sira nia avaliasaun servisu durante fulan nen nia laran, wainhira hetan avaliasaun sufisente no insufesente autoridade sei hapara sira nia kontratu,no sei fo kontratu fila fali ba sira ne’ebe hetan avaliasaun bom no Muinto Bom.
‘’ Funsionario kajuais sira ne’e, sei asina fila fali sira Nia kontratu iha fulan julho maibe, sei hare ba kada funsionario sira nia avaliasaun servisu durante fulan nen nia laran, wainhira hetan avaliasaun sufisente no insufesente autoridade sei hapara sira nia kontratu, no sei fo kontratu fila fali ba sira ne’ebe hetan avaliasaun bom no Muinto Bom’
Entertantu husu ba funsionario kajuais sira atu hatudu prestasaun servisu ne’ebe diak nune’e, la bele implika ba sira nia kontratu servisu, no dadaun ne’e autoridade munisipal sei hein avaliasaun funsionario kajuais sira nian husi kada diresaun servisu munisipal hamutuk sanolu resin sia, funsionario administrasaun postu, no funsionario suku nian hodi halo avaliasaun ba dezempeniu servisu fulan nen nian husi fulan janeiru to’o junho tinan ne’e, molok atu kontinua asina kontratu.
Jornalista;sisi
Editor;El
