Lospalos rcl vp 10-11-2025=Autoridade Munisipal Lautem serviso hamutuk ho Governu Japaun liu husi Embaixada Japaun iha timor leste ho kompanha ACEF (fundasaun aksaun ba mudansa) ofisialmente inagura rehabilitasan fatin sentru saude internamentu lospalos.
Reprejentante Diretor servisu Saude Munisipal Lautem Marcal Esteves iha inagurasaun ne’e hateten, nia parte Agradese ba governu japaun tamba durante nee , apoiu komunidade lautem, hodi halo rehabilitasaun fatin sentru saude internamentu lospalos.
” hau agradese no orgulu ba diretor ezekutiva ba obra nee maske kleur ona, no mos ami agradese no obrigadu ba governu japaun liu liu ba embaixada japaun iha timor leste nebe durante suporta nafatin timor leste liu-liu iha area saude nian, iha lautem halo ona rehabilitasan ida nee no postu saude souru, nebe ami husu nafatin atu kontinua kolabora suporta ami tamba iha lautem iha suku mak mak seidauk iha postu saude.” Hateten Reprejentante Diretor servisu Saude Munisipal Lautem Marcal Esteves,
Secretariu Munisipal Administrasaun Financas Francisco dos Santos mos hateten nia parte lori povu Lautem hodi fo agradese ba governu japaun tamba bele responde ona nesesidade povu lautem nian, no espera katak governu japaun no timor leste sei kontinua serbisu hamutuk hodi halo dezenvolvimentu iha Timor Leste.
” hau agradese ba governu japaun liu husi embaixada japaun, tanba iha munispiu lautem sira halo ona progetu 14 ho ida nee ita hein katak sei kontinua aumenta tamba ita nia nesesidade sei barak tebes mak presija hetan tulun, tamba atu alkansa objektivu dezenvolvimentu governu laos governu deit maibe parseiru governu agensia internasional sira hanesan ita asiste nee kontinua lao.” nia agradese ho esperansa.dehan Secretariu Munisipal Administrasaun Financas Francisco dos Santos
Iha fatin hanesan Embaixador Governu japaun Kimura Tetsuya mos hateten rehabilitasaun sentru saude nee nudar pasu ida ita atu hametin relasaun Bilateral entre governu japaun no Timor leste.
” ohin mai hamutuk ho ita bot sira entrega ona rehabilitasaun sentru saude lospalos nebe rehabilita iha suku fuiloru munisipiu lautem, sentru saude nee reprezenta pasu siknifikativu ba oin hametin apoiu ba komunidade sira iha area rural timor leste nebe presija assistente mediku,tamba saude mak fundasaun ba progresu nasaun ida nian, investe iha pasiente sira nia morsi diak, inan isin rua no labarik sira, aktivamentu forma futuru nasaun nian, populasaun joven nebe bot, saude publika esensial atu garante jerasaun sira iha futuru bele kontribui ho signifikativu ba dezenvolvimentu nasaun nian. japaun kompromisiu atu apoiu inisiativa sira iha baze nebe promove seguransa umano no moris diak ba tempu naruk. Hau mos atu fo hanoin fali katak durante ejistensia embaixada japun timor leste halo ona progetu iha timor leste hahu husi tinan 2000 progetu hamutuk 146 iha nivel teritoriu, inklui progetu 14 halo iha munisipiu lautem, no progetu hirak nee prioridade liu ba nesesidade baziku umanu nian mak hanesan infrastutura bazika, konstrusaun no rehabilitasaun ba instalasan eskola sira, klinika publika, fornesimentu bee mos, no seluk tan.” hateten kimura tetsuya iha nia diskursu, 07/11/2025
Entretantu :Inagurasaun ba rehabilitasaun centru saude internamentu lospalos nee rehabilita husi kompanha ACEF ( fundasaun aksaun ba mudansa). ho nia montante orsamentu hamutuk rihun 90.906.( rihun sia nolu, atus sia neen dolares amerikano .) ba rehabilitasaun sala emergensia, sala partus, sala internamentu no farmasia.
Jornalista;veru
Editor;El
