Lospalos Rcl Vp 17-07-2026=Durante ne’e komunidade suku rasa postu administrative lospalos munisipio lautém laiha postu saude tamba ne’e husu ba governu tenki hari Postu saude iha suku rasa nune’e bele hafasili komunidade sira hodi bele hetan atendementu saude ho diak
Chefi suku Rasa Postu Administrative Lospalos Munisipiu Lautem Armindo Benijatu nebe Jornalista RCL hasoru iha nia servisu fatin hateten durante tinan hirak ona governu troka malu hodi ukun nasaun ne’e maibe suku rasa sei nafatin halerik ba saude tamba iha suku refere sedauk iha postu saude maibe uja fali pesoal saude nia uma hodi sai fatin atendementu ba komunidade sira iha suku refere no aimoruk hirak nebe mak komunidade presija hodi konsumu mos balun laiha
‘’ Durante tinan hirak ona governu troka malu hodi uku nasaun ne’e maibe suku rasa sei nafatin halerik ba saude tamba iha suku refere sedauk iha postu saude maibe uja fali pesoal saude nia uma hodi sai fatin atendementu ba komunidade sira iha suku refere no aimoruk hirak nebe mak komunidade presija hodi konsumu mos balun laiha’’
Chefi suku rasa mos hateten \durante ne’e uma ba manorin sira seidauk sufisiente nune’e husu nafatin ba parte governu hodi bele tau atensaun ba manorin sira nebe mai husi dook nune’e bele hanorin labarik sira ne’e ho diak tamba labarik sira mak sai fini ba nasaun timor leste liu-liu iha munisipiu lautem.
‘’ Durante ne’e uma manorin seidauk iha sufisiente atu hanorin oan sira iha eskola refere no manorin sira ne’e mai husi dook nebe hau husu nafatin ba parte governu hodi bele tau atensaun ba manorin sira nebe mai husi dook ne’e bele fo uma ida para hela besik atu bele hanorin ita nia oan sira ne’e ho diak no labele aluga uma hodi uja sira nia osan privadu hodi selu uma kos’’
Jornalista;desi
Editor;el
