Lospalos rcl vp Governu liu husi ministeriu administrasaun estatal ( MAE)hamutuk ho institutu nasional administrasaun publika ( INAP sigla portugues) fo kapasitasaun formasaun tekniku ba funsionariu sira iha munisipiu lautem ho objektivu atu aumenta kualidade prestasaun serbisu funsionariu sira nian iha Lautem.
formador INAP Armando Amaral hateten, objektivu husi formasaun nee atu fo kapasitasaun ba funsionariu sira hodi aumenta sira nia koinesimentu serbisu nian atu nune sira bele hatene oinsa atu halao sira nia papel hodi servi povu ho diak.
” objektivu husi formasaun nee atu fo kapasitasaun ba funsionariu sira hodi aumenta sira nia koinesimentu serbisu nian atu nune sira bele hatene oinsa atu halao sira nia papel hodi servi povu ho diak tamba formasaun nee hanesan preparasaun ba tinan oin liga ho materia nebe nakait ho papel funsionariu publiku no agente administrasaun nian liu-liu ba atendimentu publiku nian atu nune sira iha koinesimentu diak liga ba teoria no pratika nebe sira halo loron-loron atu nune bele fo satisfasaun ba ita nia komunidade sira.” hateten formador INAP Armando Amaral
Secretariu Munisipal Asuntu Social no Organizasaun Komunitariu Zeferino dos Santos Sequeira, husu ba funsionariu sira atu partisipa formasaun refere too remata tamba formasaun teknika importante ba funsionariu sira iha lautem.
” hau husu ba funsionariu sira atu partisipa formasaun refere too remata tamba formasaun teknika importante ba funsionariu sira iha lautem,tamba INAP nebe apoiu nafatin instituisaun governu nian hotu para fo formasaun ba aktividade saida deit liga ba trekniku administrasaun ba ita hotu nia kakutak iha administrasaun,no entermus de implementasaun serbisu loron-loron nian liga ba administrasaun publika ita hotu maka implementa konseitu sira tamba nee tenki partisipa ativu buat ruma nebe la los tenki husu too aktividade nee too hotu.” Dehan Secretariu Munisipal Asuntu Social no Organizasaun Komunitariu Zeferino dos Santos Sequeira,
Xefe departementu planeamentu gestaun ekipamentus Protesaun Liberata Nazianzeno Filomena dos Santos mos sente orgulu tamba liu husi formasaun tekniku bele aumenta tan sira nia koinesimentu hodi kontinua halo sira nia knar hodi servi povu ho diak liu tan.
” hau sente no orgulu tamba liu husi formasaun tekniku bele aumenta tan sira nia koinesimentu hodi kontinua halo sira nia knar hodi servi povu ho diak liu tan.tamba Liu husi formasaun ida ne’e mos bele elava ami nia koinesimentu no sai bukaer ba ami atu bele pratika hodi nune ami bele melhora ami nia prestasaun serbisu iha ami idak idak nia diresaun.” Hateten Xefe departementu planeamentu gestaun ekipamentus Protesaun Liberata Nazianzeno Filomena dos Santos
Entretantu :iha aktividade formasaun tekniku ba funsionariu sira nee halao durante loron 4,no husi loron 4 nee fahe ba etapa 2, iha etapa dahuluk fo formasaun ba kargu xefia ho dirigente sira, iha salaun edukasaun munisipal lautem, no iha etapa daruak fo formasaun ba funsionariu ho agente administrasaun sira, nebe hala’o iha salaun administrasaun munisipiu lautem.
Jornalista;veru
Editor;El
