Ministru Koordenador Assuntu Ekonomiku (MAKE) liu husi Inspesaun Jerál do Traballu hala’o Sosializasaun kona-ba Lei Traballu no.4/2012 kona-ba regula diretu no devér traballadór sira, Lei Greve no.5/2012 no Lei Seguransa, Saude no Hijiene iha Servisu Fatin no. 11/2023 ba Emprezariu no Traballador sira iha Munisípiu Lautém, No Objetivu husi Sosializasaun ida ne’e, oinsá atu hasa’e koñesimentu Kompañia no Traballador sira kona-ba Seguransa, Saúde no Hijiene hodi prevene asidente moras iha servisu fatin.
Reprezentante Prezidente Autoridade Munisipál Lautém, Sekretáriu Munisipál Administrasau no Finansas, 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀, hateten, partisipa sira ne’ebé tuir sosializasaun ida ne’e tenke fokus no konsentrasaun, tanba entidade husi Governu nian mós partisipa hanesan MCI, SEFOPE, SEKoop, emprezáriu no traballadór sira
‘’ Ita partisipa sira ne’ebé tuir sosializasaun ida ne’e tenke fokus no konsentrasaun, tanba entidade husi Governu nian mós partisipa hanesan MCI, SEFOPE, SEKoop, emprezáriu no traballadór sira ,Tanba, atividade ida ne’e importante tebes liu-liu ba empregadór no traballadór sira, tanba sosializasaun ne’ebé halo sei fokus liu ba Lei Traballu no Lei Greve no Lei Seguransa Saúde iha servisu fatin, partisipa tuir sosializasaun ida ne’e tenke ho másimu, atu nune’e bele intende didi’ak hodi prejudika servisu iha futuru. Hateten Reprezentante Prezidente Autoridade Munisipál Lautém, Sekretáriu Munisipál Administrasau no Finansas, 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀,
Entertantu Matéria ne’ebé durante ekipa Inspesaun Jeral do Traballu esplika maka kona-ba Salariu Minimu Nasional, Kontraru Servisu, Oras Servisu no Traballador Estranjeiru, nune’e mós Diretor INSS Munisípiu Lautém, halo esplikasaun kona-ba Sistema Seguransa ba Traballador sira iha Lautem.
Jornalista :Ever
Editor: El
