Lospalos rcl vp 21-11-2025=Un Womem Realiza forum iha lautem hodi fo oportunidade ba Juventude Lautem oan sira nebe antes nee hetan kapasitasaun husi UN WOMEM konaba abilidade ba partisipasaun ekonomia nian nebe aprezenta sira nia rezultadu negosiu durante sira halao.
Oficial programa nasional UN WOMEM Dario fernandes Doutel de Sousa hateten, objektivu halao forum nee atu fo oportunidade ba grupu juventude sira atu Aprezenta sira nia negosiu Diariu Hodi nune bele hatudu ba publiku, atu nune bele hatene no kontinua apoiu sira nia negosiu nune bele dezenvolve liu tan iha futuru.
” Forum no feira empreendedorismu atu fo oportunidade ba ita nia foemado sira ka graduadu sira atu bele demostra no hatudu sira nia ideia negosiu ba ita nia governu no ita nia sektor privadu no ba komunidade sira atu bele konsidera sora nia ideia negosiu sira ao mesmo bele hetan feedback husi governu para oimsa sira bele dezenvolve sira nia negosiu ao mesmo sira bele halo lina kordenasaun liu husi link karik husi sektor privadu ka governu linha hamutuk bele serbisu hamutuk no bele suporta sira, nune ekonomikamente sira bele independente.” Hateten Dario, 20/11/2025
Diretur jeral Ensinu secundario jeral no Ensino Sekundario Tekniku Vokasional Deolindo Da Cruz, Mos husu ba formadu sira atu aproveita oportunidade nee, hodi Dezenvolve liu tan negosiu ho diak .
” Alin sira husu atu aproveita didiak hetan rezultadu ruma husi formasaun durante loron 50 nia laran nee fila karik lori netik mudansa ruma ba ita nia familia no bairo tamba ohin loron meius barak no oportudade barak atu muda ita nia moris. Tamba ita la aproveita oportunidade nee mak ita sei sai penonton, ema seluk sei aproveita buat barak tamba nee programa nee importante atu habiit ita bot sira nia esperensia atu hao analiza ba situasaun saida mak ameansadu ba ita bot sira tenki iha voltade no disiplina.” Dehan Diretur jeral Ensinu secundario jeral no Ensino sekundario tekniku vokasional Deolindo Da Cruz,
Secretariu Munisipal Asunto Social no Organizasaun Komunitaria Zeferino Dos Santos Sequeira ,mos husu ba grupu juvetude sira atu kontinua dezenvolve Abilidade Juventude sira nian atu nune’e hodi hatudu ba publiku katak juventude lautem mos bele.
” aproveita didiak hahu aban ita bot sira sei aprezenta saida mak ita bot sira aprende iha formasaun no halo produsaun hod hatudu ba ita hotu para vizitante sira bele hare katak rezultadu husu loron 50 mak nee.”
Entretantu juventude munisipiu lautem nebe partisipa formasuan nee ema hamutuk nain 50, komposti husi centru formasaun komunitariu Nain 25 no eskola tekniku vokasional nain 25. Iha aktividade forum nee grupu juventude negosu nain 7 mak aprezenta sira nia aktividade negosiu tuir idak idak nia aktividade negosiu. programa pilotu nee ministeriu Edukasaun serbisu hamutuk ho UN WOMEM no hetan suporta husi parseiru (ASEAN UK) ( Supporting of advancement of girls education (SAGE)
Jornalista;veru
Editor;El
