Lospalos rcl vp 17-09-2026= Relasiona ho Ekipa Consultant husi Corea ne’ebé propoin hosi Governu sei hala’o actividade 𝗘𝘀𝘁𝘂𝗱𝘂 𝗩𝗶𝗮𝗯𝗶𝗹𝗶𝗱𝗮𝗱𝗲 𝗯𝗮 𝗣𝗿𝗼𝗷𝗲𝘁𝘂 𝗔𝗲𝗿𝗼𝗽𝗼𝗿𝘁𝘂 𝗥𝗲𝗴𝗶𝗼𝗻𝗮𝗹 𝗞𝗮𝗺𝗽𝘂 𝗔𝘃𝗶𝗮𝘀𝗮𝘂𝗻, iha Munisípiu Lautém tamba kampu aviasaun sai importante hodi responde ba iha situasaun emerjénsia no dezastre naturais. iha 𝗦𝗮𝗹𝗮 𝗩𝗜𝗣 𝗔𝗱𝗺𝗶𝗻𝗶𝘀𝘁𝗿𝗮𝘀𝗮𝘂𝗻 𝗔𝘂𝘁𝗼𝗿𝗶𝗱𝗮𝗱𝗲 𝗠𝘂𝗻𝗶𝘀𝗶𝗽á𝗹 𝗟𝗮𝘂𝘁é𝗺.
ho objective ba Atividade enkontru ne’e oinsá servisu hamutuk ho 𝗔𝘂𝘁𝗼𝗿𝗶𝗱𝗮𝗱𝗲 𝗠𝘂𝗻𝗶𝘀𝗶𝗽á𝗹 𝗟𝗮𝘂𝘁é𝗺, hodi diskute aspetu sira relasiona ho planu posibilidade konstrusaun projetu refere. Tamba Koordenasaun ne’e importante tanba futuru bele implementasaun projetu iha impaktu ba komunidade sira ne’ebé atualmente hela iha área ne’ebé identifika ba projetu refere.
Reprezentante Prezidente Autoridade Munisipál Lautém, Sekretáriu Munisipál Planeamentu no Investimentu no Dezenvolvimentu Integradu (PIDI) Tibursio dos Santos hatente, Autoridade Munisipál Lautém nafatin apoiu ba kualker atividade ne’ebé sei implementa iha Munisípiu Lautém.
‘’ Autoridade Munisipál Lautém nafatin apoiu ba kualker atividade ne’ebé sei implementa iha Munisípiu Lautém Tanba projetu ba 𝗔𝗲𝗿𝗼𝗽𝗼𝗿𝘁𝘂 𝗥𝗲𝗴𝗶𝗼𝗻𝗮𝗹 𝗞𝗮𝗺𝗽𝘂 𝗔𝘃𝗶𝗮𝘀𝗮𝘂𝗻 ida ne’e iha kontribui ba fasilitasaun transporte aéreu, liu-liu iha situasaun emerjénsia. No iha Projetu ne’e bele fasilita asesu komunidade sira ba servisu saúde iha hospital referral no nasional, liu-liu bainhira iha kazu moras grave ne’ebé presiza tratamentu lalais ba Munisípiu seluk.
Tibursio dos Santos mos hatente, infraestrutura ba kampu aviasaun ne’e mos bele sai importante iha resposta ba situasaun emerjénsia no dezastre naturais.
‘’ , Infraestrutura ba kampu aviasaun ne’e mos bele sai importante iha resposta ba situasaun emerjénsia no dezastre naturais, hanesan inundasaun, udan boot no estraga mota, ne’ebé bele difikulta transporte terrestre no entrega apoiu ba komunidade sira. Tanba pista aviasaun ne’ebé iha área refere atualmente la uza no abandona hela, estudu viabilidade ba parte hotu importante atu avalia posibilidade 𝗿𝗲𝗮𝗯𝗶𝗹𝗶𝘁𝗮𝘀𝗮𝘂𝗻 𝗻𝗼 𝗱𝗲𝘇𝗲𝗻𝘃𝗼𝗹𝘃𝗶𝗺𝗲𝗻𝘁𝘂 𝗽𝗶𝘀𝘁𝗮 𝗮𝘃𝗶𝗮𝘀𝗮𝘂𝗻 ne’e, ho esperansa katak iha futuru bele lori benefísiu pozitivu ba komunidade no dezenvolvimentu Munisípiu Lautém. No Ekipa Consultant Corea realiza enkontru ho Autoridade Munisipál Lautém atu asegura katak prosesu estudu no planeamentu ba projetu ne’e hala’o ho koordenasaun di’ak ho autoridade lokal no parte relevante sira. Koordenasaun ne’e mos importante atu konsidera situasaun komunidade sira ne’ebé hela iha área projetu, inklui impaktu sosial no nesesidade komunidade sira iha futuru.no hau mos husu ba Administradór Postu Administrativu Lospalos, Xefe Suku Home no Xefe Suku Raça atu kontinua asegura no monitoriza área ne’ebé identifika ba projetu, atu prevene okupasaun foun ba fatin refere hodi halo konstrusaun uma .’’hateten Reprezentante Prezidente Autoridade Munisipál Lautém, Sekretáriu Munisipál Planeamentu no Investimentu no Dezenvolvimentu Integradu (PIDI) Tibursio dos Santos
Jornalista;siisy
Editor;EL
