Lospalos rcl vp 08-05-2026= Komandante Jerál Polísia Nasional Timor Leste ka (PNTL) hala’o vizita traballu ba iha Komandu Munisípiu Lautém, hodi haree kodisoens servisu no fo orientasaun servisu ba membru PNTL iha Munisípiu Lautém, iha salaun Komandu Polisia Nasional Timor-Leste ka (PNTL) Munisipiu Lautem.
Prezidente Autoridade Munisipal Lautém, Melio de Jesus , lori Povu Munisípiu Lautém tomak nia naran fó parabeniza ba Komandante Jeral no Segundu Komandante PNTL ne’ebé Governu fó konfiansa tomak hodi lidera instituisaun PNTL durante mandatu, nune’e mós fó Bem-Vindu ba Komandante Jeral PNTL ne’ebé mai iha Munisípiu Lautem hodi hare diretamente ba kondisoens ne’ebé komandu PNTL Munisípiu Lautém hasoru.
‘’hau lori Povu Munisípiu Lautém tomak nia naran fó parabeniza ba Komandante Jeral no Segundu Komandante PNTL ne’ebé Governu fó konfiansa tomak hodi lidera instituisaun PNTL durante mandatu, nune’e mós fó Bem-Vindu ba Komandante Jeral PNTL ne’ebé mai iha Munisípiu Lautem hodi vizita no hare diretamente ba kondisoens ne’ebé komandu PNTL Munisípiu Lautém hasoru Nune’e, nu’udar Prezidente Autoridade Munisipal relata, ba Komandu Jeral PNTL katak, durante mandatu Administrasaun Autoridade Munisipal Lautém nafatin iha koordenasaun no komunikasaun ne’ebé di’ak ba Komandante PNTL Munisípiu Lautem, tanba wainhira Autoridade Munisípiu Lautém hala’o atividade tenke koordena no komunika ba parte seguransa nian hodi asegura situasaun.
Alende ne’e Komandante Jerál Polísia Nasionál Timor-Leste (PNTL) Komisariu Assistente Polísia Afonso dos Santos mos hateten , membru Polísia sira ne’ebé sei idade joven, tenke halo observasaun ba buat ne’ebé di’ak, tanba orden husi Komandante PNTL alerta ba membru sira iha Munisipiu Lautém katak liman no ain labele Kaman ba komunidade, kuidadu ita an hanesan mós kuidadu ho komunidade, tanba Polísia nia serviso mak atu serví no asegura siguransa ba povu .
‘’ membru Polísia sira ne’ebé sei idade joven, tenke halo observasaun ne’ebé buat ne’ebé di’ak, tanba orden husi Komandante PNTL alerta ba membru sira iha Munisipiu Lautém katak liman no ain labele Kaman ba komunidade, kuidadu ita an hanesan mós kuidadu ho komunidade, tanba tama ona Polísia atu serví povu liu husi atuasaun,no orienta nafatin ba membru sira iha Munisipiu Lautém, atu respeita nafatin Veterano/a sira, labele liman no ain kaman ba Veterano/a sira, tanba liu husi sira nia esforsu mak ohin loron Timor-Leste bele hetan Independensia, nune’e mós respeita Autoridade Munisipal Lautém, hahú husi Xefe Aldeia to’o Prezidente Autoridade Munisipal Lautém mak devér tomak husi PNTL nian.
Jornalista;sysi
Editor;El
