Tutuala; Rcl Vp; 29-09-2025; Prosesu fiziku konstrusaun ba sala emergensia iha Postu Administrativu tutuala, Munisipiu Lautem, nebe konstrui husi kompanha Seiara Irapiti LDA. Atingi ona Pursentu 37, sei finaliza iha fulan Dezembru tinan ne’e.
Diretur Kompanha Seiara Irapiti LDA. Jose Higinio santos ,hateten relasioana ho progresu konstrusaun ba sala emergensia ne’e fizikamente kontinua lao, no espera katak projetu ne’e sei finaliza iha fulan dezembru tinan nee.
” relasiona ho progresu konstrusaun atinge ona porsentu 37 tamba dadaun ne’e prosesu fiziku kontinua lao, ho nune kompanha seiara irapiti garante katak sei finaliza iha fulan dezembru tinan ne’e,tamba ami serbisu komesa iha 28 de maio agora iha fulan tolu nia laran ne’ebe nia presetasi fisiku ne’e sei normal seidauk terlambat e seidauk liu too agora atingi ona 35 ou 37 %, sei remata iha 28 de dezembru tuir kontratu ne’e ami asina ho prezidente munisipiu.” Hateten. Diretur Kompanha Seiara Irapiti LDA. Jose Higinio santos, iha nia knar fatin 19-25.
Xefe Centru Saude Postu Tutuala Ernesto Hornay, mos hateten nia parte Sente orgulu no agradese ba governu tamba bele konstrui ona sala emergensia iha sira nia postu nune’e sira bele utiliza hodi halo atendimentu ba komunidade sira ho diak.
” hau Sente orgulu no agradese ba governu tamba bele konstrui ona sala emergensia iha sira nia postu nune sira bele utiliza hodi halo atendimentu ba komunidade sira ho diak. Tamba konstrusaun ne’e iha ona planu mak hau mai depois halo ona, hau kontente tamba fatin ne’ebe agora dadaun ne’e la sufisiente liu maibe ba obra ida ne’e pelu menus sufisiente ona ba ami.” ‘Xefe Centru Saude Postu Tutuala Ernesto Horna agardese.
iha sorin seluk Administrador Postu Tutuala Carlito Perreira mos haktuir katak, progresu fiziku konstrusaun sala emergensia kontinua lao nafatin tamba ne’e nia parte husu ba kompanha atu finaliza obra konstrusaun refere tuir termu asina kontratu ne’ebe iha ona.
” progresu fiziku konstrusaun sala emergensia kontinua la’o nafatin tamba ne’e nia husu ba kompanha atu finaliza obra konstrusaun refere tuir termu asina kontratu ne’ebe iha ona, no hau mos enkoraza sira para atu sira bele termina iha tempu ne’ebe iha, no tuir kontratu ne’ebe sira asina ne’e tamba ho sira nia serbisu ho engineiru no badain ne’ebe iha sira iha prosesu serbisu ne’ebe diak.” Dehan Administrador Postu Tutuala Carlito Perreira.
Entretantu obra konstrusaun sala emergensia ne’e ho nia medida Retangulu ka persegi 250, modelu letra (l) ho montante orsamentu hamutuk dolares amerikanu Rihun (166,293.94) ho durasaun kontratu fulan 6.
