Lospalos rcl vp 05-03-2026=Comisaun Nasional Eleições ga (CNE) liu husi Komisáriu CNE Lautém ho ekipa hala’o audiensia ho Prezidente Autoridade Munisipál Lautém hodi atualiza atividade CNE nian, ne’ebé sei hala’o iha Munisípiu Lautém iha Sala Gabinete Prezidente Autoridade Munisipál Lautém.
Prezidente Autoridade Munisipál Lautém Melio de jesus hateten, Autoridade Munisipál Lautém simu ona despaixu husi Ministru Administrasaun Estatal (MAE) bazeia ba karta ne’ebé Prezidente CNE manda ba iha MAE kona-ba CNE nia vizita ofisial ba Sede Partidu Polítiku sira no lideransa partidu polítiku ba kada Munisípiu, espesial mai iha Munisípiu Lautém.
‘’ Autoridade Munisipál Lautém simu ona despaixu husi Ministru Administrasaun Estatal (MAE) bazeia ba karta ne’ebé Prezidente CNE manda ba iha MAE kona-ba CNE nia vizita ofisial ba Sede Partidu Polítiku sira no lideransa partidu polítiku ba kada Munisípiu, espesial mai iha Munisípiu Lautém,Tamba ne’e, Governu lokál sempre iha komitmentu hakarak nafatin kolabora no servisu hamutuk ba preparasaun desentralizasaun Governu lokál nian.Nune’e Autoridade Munisipál Lautém agradese no apoiu nafatin ba programa ne’ebé CNE iha, hodi kontinua ba debate públiku ba partidu polítiku sira, ne’ebé hanesan Edukasaun Sívika ida ba partidu polítiku sira hodi komesa harii, nune’e futuru lideransa ne’ebé kualidade atu lidera nasaun liu-liu Munisípiu Lautém.hateten Prezidente Autoridade Munisipál Lautém Melio de jesus
Iha fatin hanesan Komisáriu CNE 𝗢𝗹𝗮𝘃𝗶𝗼 𝗱𝗮 𝗖𝗼𝘀𝘁𝗮 𝗠𝗼𝗻𝘁𝗲𝗶𝗿𝗼 𝗱𝗲 𝗔𝗹𝗺𝗲𝗶𝗱𝗮 mos hateten, actividade importante nebe mak CNE sei halo iha Munisípiu Lautém,mak hanesasan vizita kortezia ba Sede Partidu Polítiku sira, Enkontru ho lideransa Partidu polítiku sira iha nivel Munisipál hodi partilla informasaun kona-ba actividade ne’ebé hala’o no atualiza atividade balun ne’ebé halo ona no halo avaliasaun kona-ba durante debate, CNE mos sei realiza dala ida tan debate públiku relasiona ho preparativu ba Eleisaun Munisipál.
‘’ actividade importante tolu ne’ebé sei halo iha Munisípiu Lautém,mak primeiru CNE sei vizita kortezia ba Sede Partidu Polítiku sira, enkontru ho lideransa partidu polítiku sira iha nivel Munisipál hodi partilla informasaun kona-ba actividade ne’ebé hala’o no atualiza atividade balun ne’ebé halo ona no halo avaliasaun kona-ba durante debate, CNE mos sei realiza dala ida tan debate públiku relasiona ho preparativu ba Eleisaun Munisipál.no tinan ida ne’e,ba tinan preparasaun ba Eleisaun Prezidensial no Eleisaun Kamara Munisipál, nune’e prepara uluk kondisaun másimu iha terenu liu-liu ba eleitores sira no baze de dadus, atu nune’e bele define futuru hodi avansa ba Eleisaun Kamara Munisipál.
Jornalista;sili
Editor;El
