Lospalos rcl vp 17-11-2025=kompanha local balun iha munisipio lautem tenta atu halo impedimentu ba serbsiu institutu gestaun ekipamentu (IGE) ne’ebe halo normalizasaun ba Estrada diresaun lospalos liga ba postu administrativu lore, munisipiu lautem.
Xefe suku lore 2 Eurico Da Costa nebe jornalista RCL hasoru iha postu lore hateten Kompanha local ida tenta atu halo impedimentu ba serbisu IGE nia nebe mak agora halo normalizasaun ba Estrada lore nian.
“Los duni tamba foin dadaun administrasaun postu administrativu lore fo hela karta pedidu ba IGE atu mai normaliza Estrada postu lore iha dia 16 de outubru depois de sira hahu normaliza tiha ita nia parte husi kompanha iliesaun mos komesa lori sira nia pezadu mai e halo normalizasaun.Ho ida nee parte autoridade local lider postu lore halo kordenasaun ho sira katak tamba ita nia parte IGE nia loron serbisu durante 20 dias hoida ne,e mak sira mos hatene ona katak sira bele intende entaun sira hapara sira nia serbisu.”Hateten xefe lore 2, Eurico Da Costa, 13/11.
Adminsitrador postu administrativu lore Domingos Dos Santos Sequeira konfirma katak relasional ho tentativa impedimentu serbisu IGE nia iha postu lore nee tamba laiha komunikasaun entre kompanha ho IGE no mos autoridade local maibe parte auotoridade local konsege konvoka enkontru hamutuk ho parte IGE no mos kompanha iliesaun katak depois de IGE remata nia serbisu iha loron 20 nian hafoin kompanha eliesaun kontinua fali sira nia serbisu.
“Autoridade local no lider komunitariu enkontru ho IGE atu halo serbisu e sira nafatin akompanha IGE nia serbisurehabilitasaun Estrada iha ne’ebe mos laiha intervenesaun iha nebe, kuando iha problema iha terenu tenki kaniliza tuir hierargia katak liu-liu administrador postu, sefe suku no xefe aldeia para buka maneiras atu tur hamutuk hodi resolve problema.” Maibe laiha impedimentu so sala iha meios komunikasaun no intrepetasaun, foin dadauk iha sabadu kotuk eliesaun mos halo manutensaun ba Estrada nee maibe nee komunikasaun laiha, maibe tempu serbisu mak hanesan ho IGE nian maibe orden serbisu husi obras publika mos mai entaun sira mos lori kontratu ida nee mai maibe ami konsege resolve.” Haten APA lore iha nia knar fatin.13/11.
Entretantu kona-ba manutensaun ba Estrada lore nee antes nee kompanha iliesaun mak halo maibe dadun nee mos IGE halo normalizasaun tamba hetan karta lisensa husi obras publika ne’ebe antes nee autoridade postu lore ralata ba obras publika. Tamba tuir regras husi IGE katak wainhira ekipa IGE halao serbisu iha terenu maka kompanha seluk labele halo mos serbisu, ho nune autoridade local postu lore deside liu husi enkontru hamutuk ho lider komunitariu sira inklui kompaha local ileisaun atu fo tempu ba IGE hodi halo normalizasaun iha loron 20 nian laran hafoin mak kompanha eliesaun kontinua fali sira serbisu ne’ebe siedauk remata.
Jornalista;veru
Editor;El
