Lospalos rcl vp 17-09-2026= Agrikultór iha suku muapitine, Postu Administrativu Lospalos Munisípiu Lautem, husu ba servisu Munisipal Agrikultura atu apoiu ke’e be’e ba to’os, hodi garante produsaun hortikultura, liu-liu iha tempu bai loron.
Agrikultór Amelo dos Santos hateten, nia parte iha planu atu aumenta produsaun fehuk midar iha nia to’os,tamba husi fulan marsu to’o agora, nia konsegue kuileta fehuk midar tonelada hat ne’ebé,nia fa’an ona ba merkadu no hatudu potensiál ba produsaun ai-han lokal.
‘’ Hau iha planu atu aumenta produsaun fehuk midar iha nia to’os,tamba husi fulan marsu to’o agora, nia konsegue kuileta fehuk midar tonelada hat ne’ebé,nia fa’an ona ba merkadu no hatudu potensiál ba produsaun ai-han lokal.Tamba fehuk midar ne’ebé hau kuda dala ida bele kuileta to’o dala hat maybe, problema be’e iha tempu bai loron halo nia la bele kontinua produsaun. tanba ne’e,hau husu ba MAPPF atu fasilita fundus hodi ke’e be’e ba to’os nune’e, bele rega nia fehuk no aumenta produsaun’’hateten Agrikultór Amelo dos Santos
Hatan ba kestaun ne’e Diretor Servisu Munisipal Agrikultura Munisípiu Lautem, Albertino Jeronimo Esplika katak, durante ne’e MAPPF la iha orsamentu espesífiku atu finansia ke’e be’e ba agrikultór sira.nebe mak husu ajudasaun.
‘’ Durante ne’e MAPPF la iha orsamentu espesífiku atu finansia ke’e be’e ba agrikultór sira.,maibé servisu munisipal agrikultura durante ne’e, servisu hamutuk ho organizasaun no parseiru sira, inklui adra timor-leste, hodi apoiu produsaun hortikultura, hanesan kanaliza be’e ba to’os, enkuantu diresaun MAPPF iha lautem maka, alokasaun traktor, fahe fini, adubu, pestisida no apoiu tékniku seluk.
Entretantu: agrikultor hirak nebe bele aumenta sira nia produsaun, wain hira governu bele apoiu ke’e be’e ba nia to’os,nia prontu atu aumenta produsaun fehuk midar iha área hektare hat, nebe durante nee iha hektare hat ne’ebe sei dauk kultiva tanba limitasaun be’e,liu-liu iha tempu bailoron.
Jornalista;Nito
Editor;El
