Lospalos RCL VP 31-10-2025=komu
nidade Postu Administrativu Lautem, suco com agradese ba nonu governu konstitusional ne’ebe halao ona lansamentu fatuk dahuluk ba progetu rehabilitasaun Estrada husi diresaun Lautem ba suku com, tamba sei fasilita komunidade sira nia movimentasaun.
Komunidade Abilio Magalaes orgulu no agradese ba nonu governu konstitusional nia esforsu tomak ohin loron hatur ona fatuk dahuluk ba rehabilitasaun Estrada refere, bele resolve preokupasaun ne’ebe durante nee komunidade lautem halerik.
“agradese ba governu timor leste tamba ohin loron hanesan buat ida ne’ebe halo ami komunidade suku com orgulu tamba bele hetan oportunidade hetan ba rehabilitasaun Estrada ida nee, atu nune aban bain rua komunidade suku com atu ba postu lautem ho diak.” Nia agradese,30/10.
Iha fatin hanesan Xefe suku com Sergio jose cristovao mos agradese, no parabeniza nonu governu konstitusional tamba bele halo ona rehabilitasaun ba sira nia Estrada, tamba nee lider komunitariu nee husu ba komunidade liu-liu juventude sira atu kopera nune Estrada refere lao ho diak hodi hafasil komunidade sira atu asesu ba merkadu.
“orgulu tamba bele halo rehabilitasaun estrada husi lautem too com, komunidade mos aseita e parabens ba nonu governu nebe aprova orsamentu hodi halo konstrusaun ba Estrada ida nee, ami mos alerta hela ba komunidade no juventude sira para hamutuk ho autoridade local hodi kopera para Estrada nee iha diak ba ita para ita bele asesu ba mai no ba iha fatin turismu komunitariu sira, no ba iha inan aman sira ne’ebe iha pordutu local bele ba fa,an iha merkadu.”
Entretantu iha serimonia lansamentu fatuk dahuluk progetu rehabilitasaun Estrada lautem com nee lansa husi primeiru ministru xanana gusmao no ministru obras publicas Samuel marcal, no hetan mos partisipasaun husi membru governu sira, autoridade municipal, lider komunitariu, komunidade, juventude, estudante, inklui labarik sira.veru.
