Lospalos RCL VP komunidade suku daudere postu administrative lautém munisipiu lautém husu ba secretariu tekniku Administrasaun Eleitoral ga (STAE sigla portugues) Munisipiu Lautem atu lori sistema Biometriku ba iha kada suku hodi halo atualizasaun ba komunidade sira nia kartaun eleitoral ba sistema biometriku tamba komunidade barak labele transporta ba kapital munisipiu liu-liu ferik no katuas no ema ho difisiensia sira tamba gestaun saude no laiha transporte.
Abitante olinda da costa mos husu ba STAE atu lori sistema biometriku too iha baze hodi halo atualizasaun ba komunidade sira nia kartaun eleitoral tamba komunidade sira iha suku refere balun kondisaun lapermite atu ba kapital munisipiu hodi aktualiza sira nia kartaun liu-liu ferik no katuas no ema ho difisiensia sira.
“Ba ferik no katuas sira ne’ebe lao labele’ osan laiha transporte laiha tamba nee hau husu stae oinsa suporta oinsa sira bele mai halo eleitoral biometriku suku bele ka lae, tamba inan aman sira lao labele sira ba dala ruma sira bele hetan asidente o bele moras. tamba nee ami husu ba sira para bele mai halo iha suku.” hateten olinda da costa.
Hatan ba preokupasaun nee Diretor Stae Munispiu Lautem sergio Belmonte konfirma katak dadaun nee nia parte esforsu hela atu lori sistema biometriku refere ba iha baze atu nune bele hafasil liu tan komunidade sira iha baze. tuir nia dadaun nee ekipa tekniku halo ona movel ba iha postu administrativu hodi halo aktualizasaun ba eleitor sira iha kada postu sira iha munisipiu lautm.
“ita sempre serbisu hamutuk ho organizasaun difisiensia sira para atu fasilita ita nia maluk difisiensia sira, agora dadaun ita konsentra ba iha aktividade sistema biometrika nee tamba mai ho nia pakote ida, tenki linha ho diak, too agora ita introdus iha momentu ita sei introdus sistema nee iha liu husi atendimentu rutina iha munisipiu no mos halo ona movel ba iha postu atu introdus prosesu sira nee ba iha fatin sira nebe ita sei halo atendimentu biometriku nian, tamba nee ita sei buka tempu maibe ida nee hanesan dever obrigasaun ba orgaun tekniku tamba iha konstituisaun mos hateten katak resensiamentu nudar obrigatoriu, ba sira difisiente sira mos hanesan toma apontamentu ida para ba futuru ita bele fo resposta ba sira nia ezijensia sira nee. maibe iha tinan nee ita sei konsentra iha postu atu bele halo movel ba postu para ita introdus kapasidade linha internet iha ita nia postu sira.” dehan serjio Belmonte.
Entretantu dadaun nee STAE munisipiu lautem kontinua halo atendiemntu hodi aktualiza eleitor sira nia kartaun ba sistema biometriku no dadaun nee halo hela atendiemntu movel iha postu administrativu luro, no sei kontinua ba postu administrativu sira seluk iha munisipiu lautem.No tuir dados provizoriu ne’ebe parte Stae iha katak dadaun eleitores sira nebe atuliza ona sira nia kartaun ba sistema biometri hamutuk ema nain rihun 57.
Jornalisata: veru.
Editor: El
