Lospalos rcl vp 30-04-2026=Insidente lafa’ek-tata vítima ho naran Letícia da Silva Pereira Belo, mais ou menos oras tuku 14:35 OTL bainhira vítima la’o hamutuk ho nia-inan Analia Pereira hodi ba hili ai-maran (ai-sunu) iha tasi-ibun iha área tasi-ibun, Aldeia Malailada, Suku Baduro, Postu Administrativu Lautém, Munisípiu Lautém.
Relasiona ho akontesimentu refere, Komandu APC Lautém simu imformasaun husi Autoridade Lokál, iha fatin akontesimentu, no Komandu APC mos orienta kedas ekipa ne’ebé kompostu husi Korpu Bombeiros, Gabinete Jestaun Risku Dezastre no Gabinete Rekuperasaun hala’o intervensaun rápida ba fatin akontesimentu hodi búska vítima refere.
Durante búska no salvamentu, ekipa APC hetan apoiu husi Komandu Polísia Nasional Timor-Leste (PNTL) Eskuadra Postu Administrativu Lautém, inklui komunidade no família vítima, buka vítima kuaze oras hát (4) nia-laran ho konsege hetan vítima nia isin mate iha oras tuku 19:55 OTL kalan.
no Mate isin ne’e ekipa APC Munisípiu Lautém entrega ona ba família vítima hodi halo prosesu fúnebre.
Entretantu :relasiona ho akontesimentu refere ekipa APC liu husi Gabinete Jestaun Risku Dezastre, apoiu mos sasan emerjensia ba familia vitima.
Jornalista;rsi
Editor;El
