LOSPALOS, RCL VP-10-10-2025: Lafaek tata Mate Gestor sesante Radio Komunidade Lospalos ho Naran Nacimento Provincial iha Mota Namalutu iha baliza entre Postu Administrativu Lore no Iliomar Munisipiu Lautem.
Maun Rasik husi Matebian, joao dias provincial konta tuir kronolojia katak, matebian hi’it ain husi nia uma ba mota namalutu lore, tuku lima no lokraik, ho objektivu atu pasa tempu ba halao refresin, maibe to’o iha fatin refere, nia husu kail ba nia maun hodi kaer atu kail ikan, nune’e sira nain tolu tur hamutuk hodi kail ikan iha fatin distansia entre mota ho tasi metru haat, maibe to’o tuku hitu liu minutu sanulu oras timor-leste, lafaek derepente sai husi mota laran hi’it sai matebian iha sira nain tolu nia leet. Too matebian lakon vida tamba nee familia sente triste, tamba lakon nia alin diak ida iha familia tomak nia leet.
“hau sente triste, tamba lakon alin diak ida iha familia tomak nia leet, tamba matebian hi’it ain husi nia uma ba mota namalutu lore, tuku lima no lokraik, ho objetivu pasa tempu atu ba halao refresin, maibe too iha fatin refere, nia husu kail ba nia maun hodi kaer atu kail ikan, nune’e sira nain tolu mak tur hamutuk hodi kail ikan iha fatin distansia entre mota ho tasi metru haat, maibe to’o tuku hitu liu minutu sanulu oras timor-leste, lafaek derepente sai husi mota laran hiit sai matebian iha nain tolu nia leet, maibe nain rua seluk la hatene ka la sente buat ida, wanhira be’e tarutu ho lian neneik nain rua hateke matebian laiha fatin ona, no hafoin lafaek lori isin matebian tama ba mota ne’ebe sulin hamutuk ho tasi to’o oras ne’en nia laran, tuku ida kalan maka lafaek rasik hi’it sae matebian nia isin, nune’e familia sira haleu mota hodi halo tuir, hafoin lafaek mai soe iha be’e leten no familia sira rasta kait ho au hodi sai mai iha rai maran ho kondisaun mate, hafoin transporta ba nia residensia.” Joao konta.
Iha serimoni funerariu matebian nian nee Reprezenta Administrador Postu Lore, jose da costa, husu ba komunidade lore tomak, atu wanhira kail ikan, labele ba iha fatin mota ho tasi namulutu, tamba fatin ne’e area lafaek no lulik ba ema hala’o atividade kail ikan.
” hau husu ba komunidade lore tomak ,atu wanhira kail ikan, labele ba iha fatin mota ho tasi namulutu,tamba fatin nee area lafaek no lulik ba ema halao atividade kail ikan’’ hateten Reprezenta Administrador Postu Lore, jose da costa
BIOGRAFIA MATEBIAN
Matebian Nacimentu provincial moris iha aldeia maloru, suku lore 1, postu administrativu lore, Munisipiu Lautem, iha loron 16 Fulan Outubru tinan 1977.
Oan husi aman Mario provincial (Matebian) husi uma lisan UPULARU no inan joana da costa dias husi uma lisan WACUMURA.
Matebian iha maun alin nain 6 kompostu husi mane 3 feto 3 Joao provincial da costa, Eugenia da costa dias, Rosalinha da costa dias (Matebian) ,Felisbertu provincial, Ana provincial Nacimentu provincial (matebian)
Matebian hahu nia estudu iha eskola primaria nu. 7 de maloru iha tinan 1983 no kontinua ba pre- secundaria No 2 de lospalos iha tinan 1990 too 1993, la konsege kontinua ba secundariu tamba iha momentu ne’eba situasaun la permite.
- TEMPU SERBISU
Iha tinan 2000-2002 Sai staf iha IND (INTER KOPERASAUN DEZENVOLVIMENTU PORTUGAL) iha progetu produsaun dokumentar, audio ba programa saude agricultura no cooperativu.
Iha tinan 2002-2003 Sai staff Radio komunidade lospalos (RCL)
Iha tinan 2003-2006 Asume knar nudar programa manager iha radio komunidade lospalos (RCL)
Iha tinan 2006-2025 Sai hanesan gestor radio komunidade Lospalos. (RCL)
- KAPASITASAUN SERBISU.
Iha tinan 2002 Matebian konsege tuir formasaun kona-ba produsaun estatutu radio RCL, Aprezentador no moderador ba programa interativu Radio iha nasaun Australia.
Iha tinan 2009 tuir formasaun LSM (lembaga swadaya masyarakat) kona-ba managemen organisasi iha nasaun jogja indonesia.
fulan setembru tinan 2023 matebian tuir formasaun kona-ba programa produsaun, iha nasaun Tailandia.
No kontinua tuir formasaun kona-ba tekniku informasaun no komunikasaun iha jogja Indonesia iha fulan Dezembru tinan 2023.
- PRESTASAUN SERBISU.
- Matebian Lidera radio komunidade lospalos hodi konsege produs jornalista lubuk ida, no dadaun nee balun sai asesor iha sekoms, RTTL.EP, jornal, no balun kontinua serbisu iha radio.
- Matebian Kapasita mos kandidatu jornalista sira iha munisipiu vikeke, Baucau, Manatutu, Aileu, no mos Radio komunidade sira iha Timor- Leste laran tomak.
Durante matebia nia lideransa konsege hasae prestasaun RCL sai nudar radio komunidade diak liu iha Timor –Leste, konsege mos sai kampionatu dala rua ba programa radio diak liu iha timor leste.
Iha 2024 antes matebian husik hela nasaun timor leste nia konvoka enkontru hamutuk ho nia prezidente board, , vice, sekretaris, membru konseilu tomak inklui jornalista sira hodi fo konfiansa ba nia alin ermelinda da silva atu assume knar nudar gestora RCL.
Depois de matebian husik hela timor leste ba serbisu iha nasaun holanda ho objektivu principal atu buka osan hodi sustenta nia familia, no objektivu ida seluk mak atu buka osan oituan atu apoia ba radio komunidade lospalos hodi dezenvolve diak liu tan iha future atu sai lian ba povu iha munisipiu Lautem maibe la konsege realiza nia mehi.
Mensagen ikus husi matebian ba nia maluk jornalista sira iha radio komunidade lospalos katak aproveita oportunidade didiak ba utilizasaun website ne’ebe sei halao iha interkambio balibo five (5) nebe sei realiza iha loron 16 fulan outubru tinan ida nee, iha munisipiu bobonaru.
Iha loron 03 fulan outubru tinan 2025 iha momentu nee ba matebian husik hela faluk agnes mesquita husi uma lisan (Fara-lata), no oan kiak nain 5, kompostu husi Mane 2 Feto 3. iha oras; tuku 7 ho balu kalan oras timor leste.
“HAU NIA PEREGRINASAUN MORIS TO’O ONA IHA NEE, HAU BA ONA, IMI HARE MALU BA.
jornalista ; Sinta
Editor : El
