Lospalos rcl vp 27-08-2026= Autoridade Munisipál Lautém, liu husi Diretor Servisu Munisipál Patrimóniu no Lojístika, hamutuk ho ekipa tékniku sira, ne’ebé akompaña husi Xefe Gabinete Prezidente Autoridade Munisipál Lautém, hala’o preparasaun no instalasaun palku no tenda ba serimónia lansamentu Merkadu Munisipál Lautém Foun,no Serimónia lansamentu konstrusaun Merkadu Munisipál Lautém Foun ne’e, tuir planu, sei hala’o iha 𝐒𝐞𝐱𝐭𝐚-𝐟𝐞𝐢𝐫𝐚, 𝟐𝟖 𝐀𝐠𝐨𝐬𝐭𝐮 𝟐𝟎𝟐𝟔.
Preparasaun ne’e nu’udar parte husi esforsu Autoridade Munisipál Lautém atu asegura katak serimónia lansamentu bele hala’o ho di’ak, ordenadu no tuir planu ne’ebé prepara ona.
Aleinde preparasaun ba serimónia, kompañia responsavel ba konstrusaun Merkadu Munisipál Foun, 𝐃𝐢𝐯𝐢𝐭𝐚 𝐆𝐫𝐨𝐮𝐩 𝐔𝐧𝐢p. 𝐋𝐝𝐚, mos kontinua hala’o servisu preparasaun iha área merkadu, inklui servisu ateru ba rai kuak sira, hodi prepara no organiza área konstrusaun antes hahú etapa tuirmai.
Entertanto;aktividade preparasaun ba serimónia lansamentu iha Merkadu Munisipál Lautém Foun ne’e lao ho diak tamba hetan partisipasaun masimo husi kada directores iha munisipio lautém no ekipa husi Autoridade munisipio lautém
Jornalista;silisi
Editor;El
