Lospalos rcl vp 14-05-2026= Klibur sobrevevente feto prilampu halo lansamentu livru memoria sobrevevente pasadu ne’ebe, feto hasoru iha okupasaun nia laran husi tinan rehun ida atus sia hitu nolu resin hat too rehun ida atus sia sia nolu resin sia.
Dirijente pirilampu munisipiu lautem, manuela marques lopes hateten, objetivu lansamentu livru ba sobrevivente feto lautem iha pasadu nian ne’e, atu sai arkivo ida ba istoria luta libertasaun nian nune’e,jerasaun foin sa’e sira bele aprende kona ba feto nia terus iha tempu pasadu ne’ebe, invaijor sira halo diskriminasaun hasoru feto iha momentu situasaun difisil nia laran.
tamba husi tinan rehun ida atus sia hitu nolu resin hat to’o rehun ida atus sia sia nolu resin sia feto barak maka sai vitima ba hahalok husi okupasaun sira nia liman, tamba hetan torturasaun, no agresaun.
prezidente autoridade munisipal lautem melio de jesus, iha nia intervensaun ne’e hateten, munisipiu lautem marka historia foun ne’ebe, inan sobrevivente sira konta nia historia passadu hodi hakerek sai livru ida relasiona ba sakrifisio, no terus sira hotu durante tinan rua nolu resin hat ne’ebe hasoru okupasaun nian ba kauza libertasaun nasional.
sobrevivente reginha da conseisaun freitas agradese ba klibur sobrevivente pirilampu, tamba bele, lansa ona sira nia livro tuir ida idak nia istoria pasadu ne’ebe, sira hasoru iha okupasaun nia laran.
Diretora acbit asosiasaun chega,manuela leong pereira informa katak, lansamentu livru ne’e, sira servisu hamutuk ho klibur sobrevivente pirilampu iha timor leste ne’e, sira rejistu ona feto sobrevivente hamutuk ema nain atus hat lima nolu resin lima kompostu husi munisipio sanolu resin tolu inklui raeoa, no husi numeru ne’e sira sei distribui hotu livru ne’e ba sobrevivente sira ne’ebe, sira rejista ona, no sira sei kontinua buka tuir sobrevivente sira seluk ne’ebe sira sei dauk identifika atu hakerek sira nia livru memoria sobrevivente iha pasadu.
Entertantu :klibur sobrevivente feto pirilampu tersa feira ne’e, halo ona lansamentu livru ho naran lalatak no roman pirilampu ne’ebe hakerek memoria sobrevivente sira nia pasadu, no pirilampu distribui ona livru ne’e ba sobrevivente hamutuk ema nain sanolu resin walu iha munisipio lautem.
Jornalista;Lin
Editor;El
