Losplalos rcl vp 22-03-2026=Primeiru Ministru, hamutuk ho Membru Governu balun hala’o vizita ofisiál iha Munisípiu Lautém hodi halo diálogu ho Lautém oan sira kona-ba prosesu desentralizasaun no podér lokál iha Ginasio Munisípiu Lautém.
Primeiru Ministru (PM-RDTL) Kayrala Xanana Gusmaun , hateten, Povu Munisípiu Lautém tenki prepara-an ho hanoin ida de’it hodi dezenvolve Munisípiu, Lautém ,tamba Munisipio Lautem, nia oan sira mak hatene no bele identifika potensialidade sira no Rekursu sira ne’ebe kualidade iha Munisípiu, tamba ne’e husu ba Lautém oan sira atu bele utiliza tenke prepara-an,ba Futuru.
‘’Povu Munisípiu Lautém tenki prepara-an ho hanoin ida de’it atu dezenvolve Munisípiu, Lautém oan sira mak hatene bele identifika potensialidade sira no Rekursu sira ne’ebe kualidade iha Munisípiu, tanba ida ne’e Primeiru Ministru mos husu ba Lautém oan sira atu bele utiliza tenke prepara-an,ba Futuru.tamba Munisípiu Lautém oan sira, atu evita hahalok, familiarismu, Sukuismu, Partidarismu iha prosesu saida deit mak hala’o iha Munisípiu Lautém, maibe ho hanoin ida deit dezenvolve Munisípiu Lautém iha futuru.tamba ne’e hau husu atensaun ba Autoridade Munisípiu Lautém atu tau atensaun ba Kalendariu Ezekusaun, prinsipalmente programa Merenda Eskolár. Hadia no hasae kbi’it husi Postu Administrativu tun ba Suku no Aldeias nu’udar parte ida atu bele hakat ba Podér Lokál.
Ministru Administrasaun Estatal, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥 hateten, bazeia ba rezultadu Avaliasaun Kondisaun Mínima, iha Sistema Administrativu no expediente, presiza hadia prosedimentu administrativu, hadia servisu jestaun arkivu no aplikasaun Sistema arkivu digital.
‘’ bazeia ba rezultadu Avaliasaun Kondisaun Mínima, iha Sistema Administrativu no expediente, presiza hadia prosedimentu administrativu, hadia servisu jestaun arkivu no aplikasaun Sistema arkivu digital. Iha Rekursus Humanus rekomenda atu aumenta volume asistensia teknika no formasaun iha area planeamentu, administrasaun, finansas, Aprovizionamentu no informatika liu husi MAE tamba rekomenda mós ba Servisu Munisipál Edukasaun, Saude, Agrikultura, Seguransa Alimentar, PNDS no Agensia Fiskalizasaun Munisipál tenki tau atensaun ba implementasaun programa merenda eskolár ne’ebé tenki uza 75℅ produtu lokal, tamba bele hamoris ekonomia lokal no hasae rendimentu Uma Kain husi Aldeia no Suku, nune’e mos nu’udar parte ida hodi bele hamenus kiak.
Prezidente Autoridade Munisipál Lautém 𝐌é𝐥𝐢𝐨 𝐝𝐞 𝐉𝐞𝐬𝐮𝐬 mos hateten , iha tinan kotuk Ministériu Administrasaun Estatal ba iha avaliasaun kondisoens mínimu iha Munisípiu Lautém, ne’ebé la’o ona nia rezultadu mak Munisípiu Lautém hetan muito melhor.
‘’ iha tinan kotuk Ministériu Administrasaun Estatal ba iha avaliasaun kondisoens mínimu mai iha Munisípiu Lautém, ne’ebé la’o ona nia rezultadu mak Munisípiu Lautém hetan muito melhor. Tamba avaliasaun kondisoens mínimu bazeia ba fator Planeamentu, Finansas, Aprovizionamentu no Rekursu Umanu, ne’ebé komisaun sei haree tanba komisaun sira tau numeru kada avaliasaun nia numeru, nune’e Munisípiu Lautém hetan valor hamutuk 180 ne’ebé tama ba iha muito melhor.tamba Munisípiu Lautém preparadu no pronto atu simu podér lokál, Lautém oan sira hotu hakarak hanoin ida de’it tuir visaun ida no asaun ida, tanba Munisípiu Lautém unidu hodi dezenvolve Munisípiu Lautém iha futuru,no rekomendasaun husi MAE mak hanesan iha area Rekursu, Jestaun, Arkivu, Autoridade Munisípiu tenke hadia no iha koordenasaun entre estrutura Munisipál sira, ne’e hanesan hafanu Autoridade hodi bele hadia.
Entertantu:Partisipa iha dialogu ne’e, membru Parlamentu Nasionál, Ministru Transportes e Comunicacoês, Ministra da Saúde, Ministru da Agrikultura, Ministru Obras Publicas, Ministra Edukasaun, Sekretáriu de Estadu Arte e Kultura, Sekretáriu de Estadu Cominicacão Social, Diretores Gerais MAE, representante Confisaun Religiosa, Administrador Postos Administrativos, Chefe dos Sucos, Chefes Aldeias, representante Veteranos, PNTL, F-FDTL, sosiedade civil, estudantes no intelektuál Lautém oan, no Komunidade sira iha Lautém.
Jornalista;Vr
Editor;EL
