Lospalos rcl vp 26-05-2026= Lider nasional lere anan timor apresia ba autoridade postu iliomar no komunidade sira tamba iha akordu hamutuk hodi redus kustu despeza kultura nian iha iliomar.
jeneral reformadu Lere Anan Timor iha seremonia tara bandu ne’e informa katak, nudar sidadaun iliomar oan apresia tebes ba autoridade sira iha postu administrativu iliomar, tanba konsege realiza seremónia tara bandu ida ne’ebé konsidera importante atu redus despeza kultura ne’ebé durante ne’e sai todan ba komunidade sira.
‘’ Nudar sidadaun iliomar oan apresia tebes ba autoridade sira iha postu administrativu iliomar, tanba konsege realiza seremónia tara bandu ida ne’ebé konsidera importante atu redus despeza kultura ne’ebé durante ne’e sai todan ba komunidade sira,tamba ne’e liu husi inisiativa ida ne’e hatudu vontade di’ak husi lideransa lokal sira atu buka dalan atu proteje kultura, maibé iha tempu hanesan mos ajuda povu atu la sofre ho despeza barak iha atividade kultura no seremónia adat nian.nia mos husu ba komunidade tomak atu kontinua hametin unidade no respeita regra sira ne’ebé estabelese ona liu husi tara bandu, atu bele kria moris ida ne’ebé hakmatek,dame no sustentável ba gerasaun foun sira iha futuru’’
Autoridade Postu Iliomar Fernandu casrdosu de deus katak objetivu husi tara bandu ida ne’e mak atu regula despeza kultura sira atu la sai todan boot ba familia sira, li-liu iha tempu ekonomia difisil.
komunidade jose vieira ne’ebé partisipa iha seremónia ne’e mos simu ho di’ak desizaun ida ne’e no espera katak regulamentu kultura ne’ebé foun bele ajuda hamenus konflitu sosial no haforsa solidariedade entre povu sira iha postu iliomar.
Entertantu: iha seremonia tara bandu ida ne’e hetan partisipa masimu husi lider komunitaria sira, lia nain suku nen, komandante pntl esquadra iliomar,no komunidade sira iha postu iliomar, ne’ebe antusiasmu tebes hodi redus kustu despeza refere.
tamba ne’e autoridade postu ho lia nain sira husu ba komunidade iha iliomar atu kompri tara bandu ne’e, wain hira balun viola regras tara bandu ne’e sei hetan sansaun ne’ebe, sita ona iha seremonia tara bandu kona ba kustu despeza kultural nian.
Jornalista;Nito
Editor;El
