ILIOMAR, RCL,VP 25-11-2025 : Relasional ho Debate orsamentu geral estadu ( OGE 2026) iha parlamentu nasional Nebe hetan aprovasaun orsamentu ba Autoridade Munisipal Lautem ho montante $ 8, 494,839. Tamba ne’ehusu ba governu atu hadia estrada diresaun kapital munisipiu lautem ba postu Administrativu Iliomar tamba kondisaun estrada refere aat no grave.
Xefe Suku Fuat, Postu Administrativu Iliomar ,Martinus Pintu husu ba governu liu husi Ministerio Obras publika atu tau orsamentu infrastutura bazika hanesan estrada diresaun lospalos ba postu iliomar tamba dadaun nee kondisaun estrada aat grave, no difikulta movimentasaun transporte wainhira tempu udan
“Diskusaun OGE 2026 nian remata ona nee ita agradese ba 9 governu tamba tinan munisipiu lautem hetan orsamentu ho montante milaun $8, ,494,839 resin , nebe hau rekomenda ba autoridafe munisipal lauten liu-liu prezidente autoridade ho nia ekipa tomak ho fuan bot hodi utiliza orsamentu ida nee tuir nia regras nune munisipiu lautem postu idak-idak bele sente katak orsanmentu ba tinan nee bele sente no bele realiza ba poste 6 tomak,tamba se bele karik utiliza orsamentu nee hodi hadia ami nia estrada husi lospalos mai iliomar Agora dadauk ami sente grave tebes loron pasageiru ba mai iliomar lospalos sente grave nebe karik bele orsamentu 8 miloes nebe ajuda halo ami nia estrada hahu husi lospalos mai iliomar tamba agora dadaun ami sente tris,te tan deit estrada aat nee,tamba Komunidade sira atu lori nia produtu ba merkadu mos aat tebes mo viagen ba munisipiu mos aat tebes.” Hateten Martinus Pinto, 22/11/20254
Relasiona ho preokupasaun autoridade komunitariu nian nee administrador posto administrativu iliomar Fernando Cardosu De Deus mos hateten ,estrada diresaun lospalos ba postu admimistrativu iliomar nian nee, ba planu nasional nian tamba nee iha fulan katuk Mimisteriu obras publika hamutuk ADB halo ona survey no sei hadia Estrada refere iha tinan oin.
“Estrada lospalos iliomar sei la halo ho orsamentu nebe dadaun aprova iha parlamentu nasional, ida nee sei halo ho orsamentu seluk. ida nee so bele halo ba estrada rural karik, tamba estrada lospalos mai iliomar no lospalos ba lore nee planu nasional nian ,tamba ne’e hau Atu hateten deit katak foin dadauk iha primeiru ministru koalia iha munisipiu lautem iha momentu lansamentu 1 preda estrada husi lautem ba com no lospalos, katak estrada husi lospalos ba iliomar no lore sei bok iha tinan ida deit. No espera katak iha 2026-2027 bele book ona.” Dehan Fernando Cardosu De Deus.
Entretantu tuir observasaun Jornalista RCL Nota iha Terenu kata estrada diresaun lospalos ba iliomar dadaun nee kondisaun grave , maibe governu seidauk tau atensaun maximu, maske durante nee halo deit ateru maibe kontinua hetan estragos husi udan.
Jornalista : Veru.
Editor : El
