Lospalos rcl vp 13-11-2026= Autoridade Munisipál Lautém hamutuk ho Sentru Dezenvolvimentu Juventude Munisípiu Lautém, liuhusi Komisaun Organizadora, realiza Misa Ação de Graças hodi komemora loron 12 Novembru, Masakre Santa Cruz ba dala-35, ne’ebé hala’o iha Igreja São Paulo, Lospalos.
Iha nia homilia, Diákon João Soares Henrique, SDB, afirma katak loron 12 Novembru la’ós de’it loron atu komemora, maibé mós loron nasionál juventude nian, ne’ebé nakonu ho istória, sakrifísiu no valor luta ba nasaun Timor-Leste.
“Ohin ita halibur hamutuk iha ne’e atu selebra loron 12 Novembru, loron Masakre Santa Cruz nian, ne’ebé juventude sira fó sira-nia an no sakrifika sira-nia moris ba liberdade, ho lema ‘Mate ka Moris Ukun Rasik An’ bo liuhusi Misa Agradeseimentu ne’e, ita presiza fó agradese ba Maromak, tanba durante luta ba ukun-rasik an, Maromak fó forsa no korajen ba povu Timor-Leste atu kontinua luta to’o hetan independénsia. no hato’o agradese no respeitu boot ba sobrevivente Masakre Santa Cruz nian no veteranu luta libertasaun nasionál sira, tanba sakrifísiu, korajen no domin ne’ebé sira hatudu mak sai kontribuisaun importante ba Timor-Leste nia independénsia’’,” dehan Diákon João Soares Henrique, SDB,
Iha serimónia ne’e, Sekretáriu Munisipál ba Assuntu Sosiais no Organizasaun Komunitária, Sr. Francisco dos Santos, iha nia intervensaun hato’o katak, ohin ita halibur hamutuk iha fatin ne’e atu fó onra no glória ba sobrevivente Masakre Santa Cruz nian no combatente sira ne’ebé durante luta oferese sira-nia an tomak ba Timor-Leste nia liberdade.
‘’ ohin ita halibur hamutuk iha fatin ne’e atu fó onra no glória ba sobrevivente Masakre Santa Cruz nian no combatente sira ne’ebé durante luta oferese sira-nia an tomak ba Timor-Leste nia liberdade. No serimónia ne’e nu’udar símbolu atu kontinua hametin memória istórika, respeitu no gratidaun ba matebian sira ne’ebé sakrifika sira-nia moris ba Pátria. Tanba ne’e, atividade ne’e kontinua iha Ossuáriu Jardim dos Heróis e Mártires da Libertação da Pátria, Lospalos, ho serimónia kari ai-funan no sunu lilin nu’udar símbolu respeitu, domin no agradesimentu kle’an ba matebian no herói nasionál sira’’
Entertantu: Depois remata Misa Agradeseimentu, Autoridade Munisipál Lautém, Komandante PNTL Munisípiu Lautém hamutuk ho membru sira, kontinua ho serimónia kari ai-funan no sunu lilin nu’udar símbolu respeitu, domin no agradesimentu ba juventude Loriku As’wain ne’ebé sakrifika sira-nia moris ba liberdade no soberania nasaun Timor-Leste.
Jornalista;Silisy
Editor;El
