Lospalos rcl vp 17-09-2026= Ministériu Administrasaun Estatal (MAE), liu husi Komisaun Organizadora Nasional, hala’o koordenasaun servisu ho Autoridade Munisipál Lautém kona-ba preparasaun ba serimónia inaugurasaun Monumentu 𝐌𝐨𝐧𝐬𝐞𝐧𝐡𝐨𝐫 𝐌𝐚𝐫𝐭𝐢𝐧𝐡𝐨 𝐝𝐚 𝐂𝐨𝐬𝐭𝐚 𝐋𝐨𝐩𝐞𝐬, ne’ebé sei realiza iha Suku Mehara, Postu Administrativu Tutuala, Munisípiu Lautém, iha Sala VIP Administrasaun Autoridade Munisipál Lautém.
no objetivu ba enkotru ne’e atu avalia no hametin preparasaun téknika, koordenasaun entre parte relevante sira, no sekuénsia programa serimónia, nune’e inaugurasaun monumentu ne’e bele hala’o tuir ajenda no programa ne’ebé determina ona.
Prezidente Autoridade Munisipál Lautém, Melio de Jesus hateten komisaun lokál hahú ona hala’o servisu preparasaun ba serimónia inaugurasaun monumentu. No , liu husi Konsellu Koordenasaun Munisipál, forma ona subkomisaun lokál ne’ebé lidera husi Sekretáriu PIDI nu’udar Prezidente Komisaun Organizadora Lokál.
‘’ komisaun lokál hahú ona hala’o servisu preparasaun ba serimónia inaugurasaun monumentu. No , liu husi Konsellu Koordenasaun Munisipál, forma ona subkomisaun lokál ne’ebé lidera husi Sekretáriu PIDI nu’udar Prezidente Komisaun Organizadora Lokálno iha enkontru ne’e, mós diskute kona-ba mobilizasaun komunidade husi Postu Administrativu lima iha Munisípiu Lautém. Mobilizasaun sei hahú iha loron 20 Setembru, Administradór Postu sira sei responsavel ba alista komunidade, enkuantu fasilitasaun ba transporte no mobilizasaun komunidade sei envolve setór privadu sira ne’ebé identifika ona husi Autoridade Munisipál Lautém’’ hateten Prezidente Autoridade Munisipál Lautém, Melio de Jesus
Prezidente Autoridade Munisipál Lautém mós esplika kona-ba preparasaun hahán ba partisipante sira durante loron 20 no 21 Setembru, hahán ba komisaun lokál sei fornese liu husi mekanizmu ne’ebé komisaun lokál estabelese ona, inklui organizasaun stan ba kada Postu. Enkuantu ba loron 22, fornese hahán jerál sei sai responsabilidade husi seksaun konsumu.
‘’ kona-ba preparasaun hahán ba partisipante sira durante loron 20 no 21 Setembru, hahán ba komisaun lokál sei fornese liu husi mekanizmu ne’ebé komisaun lokál estabelese ona, inklui organizasaun stan ba kada Postu. Enkuantu ba loron 22, fornese hahán jerál sei sai responsabilidade husi seksaun konsumu.agora dadaun komisaun organizadora hala’o ona servisu tuir responsabilidade kada seksaun. Servisu hirak ne’e inklui preparasaun ai-maran ba te’in, konstrusaun no dekorasaun arku, limpeza jerál iha fatin serimónia, preparasaun lojístika, no montagem palku’’ Prezidente Autoridade Munisipál Lautém, Melio de Jesus
Diretora-Jerál ba Simplifikasaun, Modernizasaun no Administrasaun Lokál (DG-SMAL), Maria Goretti Margues Belo, mos hateten enkontru ne’e importante atu hametin koordenasaun servisu entre Komisaun Organizadora Nasional no Autoridade Munisipál Lautém, liuliu iha aspetu preparasaun téknika no lojístika ba inaugurasaun Monumentu 𝐌𝐨𝐧𝐬𝐞𝐧𝐡𝐨𝐫 𝐌𝐚𝐫𝐭𝐢𝐧𝐡𝐨 𝐝𝐚 𝐂𝐨𝐬𝐭𝐚 𝐋𝐨𝐩𝐞𝐬.
‘’ Enkontru ne’e importante atu hametin koordenasaun servisu entre Komisaun Organizadora Nasional no Autoridade Munisipál Lautém, liuliu iha aspetu preparasaun téknika no lojístika ba inaugurasaun Monumentu 𝐌𝐨𝐧𝐬𝐞𝐧𝐡𝐨𝐫 𝐌𝐚𝐫𝐭𝐢𝐧𝐡𝐨 𝐝𝐚 𝐂𝐨𝐬𝐭𝐚 𝐋𝐨𝐩𝐞𝐬.’’ Diretora-Jerál ba Simplifikasaun, Modernizasaun no Administrasaun Lokál (DG-SMAL), Maria Goretti Margues Belo,
Entertantu: Koordenasaun Entre MAE, Autoridade Munisipál Lautém, komisaun lokál no parte relevante sira sei kontinua atu asegura katak preparasaun no implementasaun programa inaugurasaun ne’e lao tuir planu ne’ebé estabelese ona.
Jornalista;sili
Editor;El
