LOSPALOS, RCL VP-09-10-2025: Ministeriu Edukasaun (ME) liu husi Servisu Edukasaun Munisipal Lautem Distribui ona, Numeru Ijame Nasional ba Diretores Eskola sira iha Munisipiu Lautem.
Diretur Servisu Edukasaun Munisipal Lautem , Anibal Fernandes hateten, Ministeriu edukasan liu husi Servisu Edukasaun Munisipal Lautem Distribui ona numeru ijame ba Diretores Eskola sira, atu nune’e hahu halo verifikasaun ba Estudante sira molok hakat ba Ijame Nasional.
” Ministeriu edukasan liu husi Servisu Edukasaun Munisipal Lautem Distribui ona numeru ijame ba Diretores Eskola sira, atu nune hahu halo verifikasaun ba Estudante sira molok hakat ba Ijame Nasional, nune sira bele verifika numeru finalista sira nian, durante loron tolu nian laran, keta balun faila no dupla, atu bele hatene antes ijame nasional ita bele relata ba nasional atu bele hadia.”
Diretur Ensino Secundaria Geral Lere Anan Timor , Olderico da Costa Belo mos hateten nia parte simu ona total numeru estudante ba ijame nian no nia parte mos sei ba halo verifikasaun ba numero estudante sira nian antes relata ba iha nasional
‘’ohin hau simu ona numeru ijame nian tamba ne’e hau sei ba halo verifikasan ba numeru no naran estudante sira nian, nebe antes nee ami relata ba iha nasional hodi konfirma katak, wainhira numeru no naran estudante sira nian nee los hotu ona ,ami hein deit atu tuir ijame nasional,” dehan Olandino da Costa Belo
Entertantu tuir dados eskola iha munisipiu lautem nebe mak sei partisipa iha ijame nasional ba periodu 2025 nian nee hamutuk 23, kompostu husi ensinu baziku central (EBC) 17, no ensinu secundario hamutuk 6.
Jornalista : verru
edotor : El
