LOSPALOS, RCL VP-22-10-2025:Ministériu Administrasaun Estatal (MAE), realiza Semináriu Munisipál kona-ba Desentralizasaun Progresu Dezafiu no Oportunidade ba Desentralizasaun iha Timor-Leste ho “𝑫𝒂𝒍𝒂𝒏 𝒃𝒂 𝑷𝒐𝒅𝒆𝒓 𝒍𝒐𝒌𝒂́𝒍” ho tema “Hametin Governasaun Lokál ba Dezenvolvimentu Inklusivu no Sustentável iha Ambitu Desentralizasaun Administrativa Hodi Hakbesik Governasaun ba Povu” no Semináriu ne’e hala’o iha Salaun Administrasaun Autoridade Munisípi Lautem
Presidente Autoridade Munisipal Lautem Melio de Jesus hateten, Objetivu ba Semináriu Munisipál ne’e mak atu halo refleksaun kona-ba Progresu, Dezafios no Oportunidade husi implementasaun polítika desentralizasaun durante ne’e, ba Programa Desentralizasaun Administrativa no Poder Lokál no Identifika prioridade estratéjiku hodi reforsa kapasidade Munisípiu sira nian ba preparasaun avaliasaun kondisaun mínimu hodi haka’at ba instalasaun Poder Lokál no Desentralizasaun Administrativa iha Munisipio Lautem.
‘’ Objetivu ba Semináriu Munisipál ne’e mak atu halo refleksaun kona-ba Progresu, Dezafios no Oportunidade husi implementasaun polítika desentralizasaun durante ne’e, ba Programa Desentralizasaun Administrativa no Poder Lokál no Identifika prioridade estratéjiku hodi reforsa kapasidade Munisípiu sira nian ba preparasaun avaliasaun kondisaun mínimu hodi haka’at ba instalasaun Poder Lokál no Desentralizasaun Administrativa iha Munisipio Lautem,tamba ne’e
Prezidente Autoridade Munisípiu Lautém,mos husu ba Membru Konsellu Konsultivu ne’ebé envolve husi Xefe Suku sira hotu mai partisipa iha Semináriu ida ne’e, nune’e mós Korpu Reliziosa, Sosiedade Sivil, Delegasaun Teritorial sira ne’ebé ejiste iha Munisípiu Lautém no Membru Konsellu Koordenasaun Munisipál sira hotu, atu mai partisipa Semináriu Munisipál ida ne’e hodi bele rona aprezentasaun husi Servisu Munisipál sira ne’ebé tutela iha Sekretáriu Munisipál iha Autoridade Muinisípiu Lautém nian, nune’e iha aprezentasaun ida ne’e ita bele nota problema dezafiu no sa situasaun maka Autoridade Munisípiu Lautém enfrenta durante ne’e, nune’e mós iha rekomendasaun ne’ebe, aprezenta no sai nu’udar relatóriu ida ba iha nasionál, antes iha loron 30 Outobru 2025, ne’ebé Ministru Administrasaun Estatal sei lori ba iha Primeiru Ministru (PM), hodi nune’e tinan oin 20 de Maiu 2026 Governu anunsia Munisípiu ne’ebé maka prepara ona no tama ona rekezitu atu tama ba iha eleisaun direta desentralizasaun Poder Lokál iha tinan 2027. Hateten Presidente Autoridade Munisipal Lautem Melio de Jesus 16/10/2025
Iha fatin hanesan Ministériu Administrasaun Estatal (MAE) liu husi ekipa Gaspar Hugu Gusmão,aprezenta materia kona-ba Estratéjia Desentralizasaun Administrativa no Harii Orgaun Representativa Poder Lokál iha Timor-Leste.
‘’ aprezenta materia kona-ba Estratéjia Desentralizasaun Administrativa no Harii Orgaun Representativa Poder Lokál iha Timor-Leste,no iha Semináriu Munisipál ne’e ekipa MAE mós distribui Livru kona-ba Tékniku Interministerial Desentralizasaun Administrativa, Grupu Tékniku Permanente, Konsellu Koordenasaun Munisipál, Konsellu Konsultivu Munisipál, Asembleia Postu Administrativu, Orgaun Suku, Estratéjia Desentralizasaun Administrativa no harii Orgaun Representativa Poder Lokál iha Timor-Leste, Identifika Planeamentu no Prosedimentu Selesaun Projetu PNDS, Portal Munisipál Plata Forma Dadus ba Desenvolvimentu Timor-Leste nian. Dehan Ministériu Administrasaun Estatal (MAE) liu husi ekipa Gaspar Hugu Gusmão
Entertantu Seminariu ne’e Partisipa maximu husi Membru Konsellu Konsultivu Munisipál, Konsellu Koordenasaun Munisipál, Diretor/a Servisus Munisipais, Administradór Postu Administrativu sira, Diretor/a Delegasaun Territorial, Partidus Polítiku, Parseiru Dezenvolvimentu no kargu Xefia sira inklui funsionariu ajente no Administrasaun Munisipál iha Munisipio Lautem
