Lospalos rcl vp 27-07-2026=Estatal (MAE) liu husi Diretora Geral Simplifikasaun no Modernizasaun Administrasaun Lokál (DG-SMAL) ho ekipa hala’o enkontru ho Prezidente Autoridade Munisipál Lautem hodi halo koordenasaun servisu kona-ba preparasaun atu simu restu mortais Mgr Martino da Costa Lopes mai iha Munisípiu Lautém no Inagurasaun monumentu Mgr Martino da Costa Lopes nian iha Suku Mehara, iha Sala Gabinete Prezidente Autoridade.
Autoridade Munisipál Lautém forma ona Komisaun Organizadora, envolve iha laran maka Sekretáriu Munisipál Planeamentu Investimentu Dezenvolvimentu no Integradu (PIDI) nu’udar Prezidente Komisaun Organizadora, Xefe Gabinete Prezidente Autoridade, Pe. Parókia Mehara no Vise Preizente Consellu Munisipál Kombatente Libertasaun Nasionál (KMKLN) Munisípiu Lautém ne’ebé komesa ona halo preparasaun liu husi enkontru ne’ebé sei kontinua iha semana oin.
Relasiona ho mobilizasaun lojístiku no komunidade sira, Autoridade Munisipál Lautém sujere ba Ministériu Administrasaun Estatal atu apoiu Orsamentu hodi finansia atividade ba serimónia hanesan Protokolu, Saun Sistem, Dekorasaun serimónia, Tenda, Misa Agradesimentu no Konsumu.
Ko’alia mós kona-ba sekuensia programa ba serimónia nian sei konsulta husi nasionál hafoin ajusta ho Autoridade Munisipál Lautém nian nune’e mós Autoridade Munisipál Lautém sei anúnsiu informasaun liu husi média hodi konvida Lautém oan sira ne’ebé iha nasionál no Munisípiu atu partisipa serimónia ida ne’e, tanba serimónia ida ne’e importante tebes ba iha libertasaun nasionál nian.
Jornalista;syli
Editor;El
