Luro, Rcl Vp 29-09-2025: Partidu Demokratiku ( PD) halo konferensia nivel Postu Administrativu Luro, Munisipiu Lautem, atu hili estrutu foun. hodi responsabiliza politika Partidu Demokratiku nian iha baze ba periodu tinan lima oin mai.(2025-2023).
Komisariu Politika Partidu Demokratiku Frederico Alvares Fernandes Cabral hateten, objektivu ba konferensia ne’e atu konsolida estrutua iha baze hodi hametin mos estrutura iha baze hodi sukat kbi’it partidu nian no prense kriteriu ne’ebe CNE fo katak partidu hotu- hotu bele tuir prosesu eleisaun sira tenki liu husi konferensia postu no munisipal pois ba kongresu iha nasional
“Objektiviu konferensia nee atu konsolida estrutua baze hodi hametin baze hodi sukat kbi’it estrutura iha baze no prense kriteriu ne’ebe CNE fo katak, partidu hotu hotu bele tuir prosesu eleisaun sira tenki liu husi konferensia postu no munisipal pois ba kongresu nasional.” hateten frederico hafoin partisiap konferensia iha postu luro, 27/2025.
Iha fatin hanesan Prezidente Partidu Demokrativu Munisipiu Lautem Armando dos Santos Lopes, husu ba militantes no simpatizantes partidu demokratiku iha lautem atu hamutuk nafatin hodi hametin estrutra partidu nian iha baze no kontribui ba dezenvolvimentu nasional no munisipal.
” Hau husu ba militantes no simpatizantes partidu demokratiku iha lautem atu hamutuk nafatin hodi hametin estrutra partidu nian iha baze no kontribui ba dezenvolvimentu nasional no municipal,tamba konferensia ne’e atu alerta ba estruta tomak atu reforsa fila -fali ba ita nia estruta iha nivel postu, kuando estruta la kompletu ami sei halo reajustamentu hodi bele unifika forsa para hasoru kongresu munisipiu no kongresu nasional no prepara ba elesaun iha 2028, hateten Prezidente Partidu Demokrativu Munisipiu Lautem Armando dos Santos Lopes 27-09-2025
Membru organizasaun juventude demokratiku Postu Luro Ipolito de Jesus monis kompromete sei serbisu makas hodi prepara partidu demokratiku ba Eleisaun iha tinan 2028.
” juventude partidu demokratiku postu luro nian ami sempre garantidu katak eleisaun iha 2028 ami garante sei hetan vitoria nebe ami juventude hein, tamba nee hahu husi ohin ami hahu kedan serbisu ate atingi objektivu nebe ami juventude sira hein.’’ tenik Ipolito de Jesus.
Entretantu Rezultadu konferensia iha Postu Administrativu Luro gaspar xavier sai eleitu nudar kordenador postu luro ba periodu 2025-2030 ho nia estrutura sira seluk husi suku no aldeia.
jornalista : verru
Editor : El
