LOSPALOS, 04-11-2025: Primeiru Ministru (PM) Kayrala xanana Gusmao hamutuk ho Membru Governu inklui povu lautem halao lansamentu fatuk dahuluk ba rehabilitasaun Estrada nasional diresaun postu administrativu lautem ba postu administrativu lospalos, No progetu abastesimentu be’e mos Iha Munisipiu Lautem.
Primeiru Ministru Kay Rala Xanana Gusmao hateten, infrastutura basika mak sei lori Dezenvolvimentu nasaun nian ba oin tamba iha nonu governu ne’e hahu dezenvolve nasaun husi infrastutra bazika hanesan Estrada, be’e mos, eletrisidade no seluk tan nune’e bele responde povu nia halerik.
“ohin ita hotu mai hamutuk iha asina akordu entre governu ho kompanha rua ida kona-ba Estrada ida kona-ba be’e, temi ona infrastutura bazika mak sai fundasi ba dezenvolvimentu ou baze de dezenvolvimentu, Estrada bee mos ponte eletrisidade mak baze kuando iha ona ita bele lao ba hosuru dezenvolvimentu seidauk iha mak susar duni, tamba ne’e nonu governu simu orden husi povu dehan ba serbsiu ne’e mak ami buka no mai atu hatan ba povu tomak nia halerik mak Estrada be’e mos no eletrisidade.” Dehan Primeiru Ministru Kay Rala Xanana Gusmao sesta feira 31/10/2025.
Iha fatin hanesan Ministru obras publica Samuel Marcal mos hateten Dezenvovimentu ne’e tenki lao ho diak no tuir nia tempu tamba ne’e Povu munisipiu lautém tenki serviso hamutuk hodi kontribui ba progetu refere nune’e bele finaliza ho lalais.
“Dezenvolvimentu ne’e ita hotu nian tamba nee ita hotu tau matan no kuidadu nune’e prosesu nee bele lao diak no turi tempu labele halo impedimentu, ohin ita halo ona lansamentu nebe husu ita hotu nia koperasaun nune’e dezenvolvimentu bele lao ho susesu too finalize no progetu be’e mos foin halo iha lospalos promeira ves tamba bee mos nee bele hotu-hotu hemu direita ho nia tratamentu hotu hodi konsumu ho diak.” Hateten Ministru obras publica Samuel Marcal.
Prezidente autoridade municipal lautem melio de jesus hateten nia parte agradese ba nonu governu konstitusional espesialmentu ba primeiru Ministru nia esforsu tomak hodi responde ona povu Munisipio Lautém nia halerik.
“orseik ita lansamentu rehabilitasaun Estrada lautem com e ohin ita kontinua ho progetu rehabilitasaun Estrada lautem lospalos nune mos abastesimentu be’e iha munisipiu lautem liu-liu komunidade munisipiu lautem tomak hakarak agradese no kongratula xefe governu promeiru ministru maun bot kay rala xanana gusmao ne’e ho komitmentu boot lidera nonu governu kontitusional ho komprimisiu atu lori dezenvovimentu ba tmor laran tomak inklui munisipiu lautem,. Hateten Prezidente autoridade municipal lautem melio de jesus
Entretantu progetu rehabilitasaun Estrada lautem lospalos ne’e sei rehabilita husi kompanha CHONGQING INTERNASIONAK CONSTRUTION CORPORATION (CINA) ho nia kilometru hamutuk (27.980), montante osan $ 18,836,713.10) ho durasaun serbisu, (365 dias). No progetu abastesimentu be’e mos ba povu lautem nee sei konstrui husi kompanha BEIJING URBAN CONTRACTION GROUP, LTD (CHINA), Montante osan hamutuk $ 17, 012,327.59, ho nia duransaun serbisu (1095 dias).
Jornalista : Veru.
Editor : El.
