LURO RCL VP; 14-10-2025: Estrada diresaun buihomau ba postu administrativu luro, munisipiu lautem kontinua aat, no difikulta komunidade sira atu asesu ba merkadu liu-liu iha tempu udan.
xefe suku wairoke Agusto Marques hateten kada periodu tinan lima, governu troka malu maibe to’o ohin loron seidauk hadia estrada husi diresaun buihomau ba postu administrativu luro, hodi difikulta komunidade sira atu asesu ba merkadu liu-liu tempu udan. tamba nee nia husu ba governu atu tau as interese povu nian hodi dezenvolve Nesidade ba povu sira nian.
” ami postu luro susar tebes atu asesu ba dalan nebe diak, tamba uluk kedas halo planu maibe too agora seidauk halo, nebe atraves ami no komunidade atu ba lospalos liu dalan nee susar tebes wainhira tempu udan. kuando mota tun ami labele liu tamba ameansa ba ami nia vida. nebe husu ba governua atu labele hare ba partidu polituku mais ita tenki tau interese povu nia aas liu ,tamba nee lautem oan tenki hamutuk hodi hare ba nesesidade povu nian.” hateten Agusto Marques.
hatan ba preokupadaun ne’e, Administrador Postu Administrativu Luro Gaspar Xavier konfirma, Problema Infrastutura bazika liu- liu ba estrada Diresaun Buihomau ba Postu luru nian ne’e, Parte Autoridade Postu, relata ona ba munisipiu liu husi konseilhu kordenasaun munisipal no konseilhu konsultivu munisipal hodi hein prosesu tuir mai.
” konaba estrada husi buihomau ba postu luro ita nia komunidade sempre tau gestaun beibeik mais iha enkontru kkm no ccm ami sempre hatoo no programa nee tama ona ba kkm nian, nebe ita lahatene bainhira mak halo tamba ita hatama ona ba kkm nebe konforme husi nasional mak hatene. alende estrada ponte mos ita hatama ona ba kkm sei prosesu entaun programa sira nee ita hatama ba iha munisipiu liu husi assembleia postu ita hatama ona ba iha munisipiu wainhira mak halo ita sei hei, tamba planu sira nee ita hamata ba munisipiu konforme desizaun husi nasional ida nebe importante halo uluk, planu sira nee tenki tuituir malu laos hotu halo dala ida lae, maibe hare mos ba ita nia orsamentu sira nee, too ka lae, se orsamentu ituan entaun halo uluk ida nee importante liu ,tamba buat hotu liu husi Prosesu mak bele halo.” Hateten Administrador Postu Administrativu Luro Gaspar Xavier
Entretantu estrada Diresaun Buihomau ba Postu Administrativu Luro ho nia kilometru hamutuk 30.
jornalista : Veru.
editor : EL
