Lospalos rcl vp 23-09-2026= Povu munisipio lautém, hala’o Misa Agradesimentu no bensa ba inaugurasaun Monumentu 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, iha Suku Mehara, Postu Administrativu Tutuala, Munisípiu Lautém.
No Misa Agradesimentu ne’e lidera hosi Bispu Diocese Baucau, 𝗗𝗼𝗺 𝗟𝗲𝗮𝗻𝗱𝗿𝗼 𝗠𝗮𝗿𝗶𝗮 𝗔𝗹𝘃𝗲𝘀, no partisipa hosi komunidade no ema sira ne’ebé mai hamutuk atu fó omenajen ba figura importante ida ne’e iha istória Igreja no Povu Timor-Leste.
iha Homili Misa agradesementu ne’e Bispu Diocese Baucau Dom Leandro Maria Alves hateten prezensa komunidade iha fatin ne’e atu inaugura no bensa monumentu ne’e lori ita hotu atu hanoin fila-fali akontesimentu importante sira ne’ebé akontese iha Suku Mehara, liu -liu iha prosesu luta ukun-rasik-an iha rai Timor-Leste.
‘’ Prezensa komunidade iha fatin ne’e atu inaugura no bensa monumentu ne’e lori ita hotu atu hanoin fila-fali akontesimentu importante sira ne’ebé akontese iha Suku Mehara, liu -liu iha prosesu luta ukun-rasik-an iha rai Timor-Leste.no akontesimentu ne’e bele konsidera nu’udar espresaun knar 𝗯𝗶𝗯𝗶–𝗮𝘁𝗮𝗻 𝗱𝗶𝗮𝗸 𝗻𝗶𝗮𝗻, ne’ebé buka tuir nia bibi sira atu keta la’o sala dalan, maibé lori sira atu la’o iha dalan loos. Tamba Bazeia ba liafuan Maromak iha Primeira Leitura, ne’ebé hateten katak “𝙡𝙞𝙪𝙧𝙖𝙞 𝙣𝙞𝙖 𝙛𝙪𝙖𝙣 𝙞𝙝𝙖 𝙉𝙖𝙞 𝙣𝙞𝙖 𝙡𝙞𝙢𝙖𝙣 𝙝𝙖𝙣𝙚𝙨𝙖𝙣 𝙗𝙚𝙚–𝙢𝙖𝙩𝙖𝙣”, 𝗗𝗼𝗺 𝗟𝗲𝗮𝗻𝗱𝗿𝗼 𝗠𝗮𝗿𝗶𝗮 𝗔𝗹𝘃𝗲𝘀 kompara figura 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀 ho bee-matan ida ne’ebé Maromak hasulin ba nia Povu iha Timor-Leste. Tamba Prezensa 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, no nia aten-brani, tuir homilia, hatudu katak Igreja la’o hamutuk no terus hamutuk ho nia Povu. Ida ne’e mós sai nu’udar parte husi misaun Igreja nian atu hametin esperansa no akompaña Povu iha tempu difísil’’ Dehan Bispu Diocese Baucau, Dom Laendro Maria Alves
Dom Leandro Maria Alves mós konvida komunidade atu keta taka tilun ba lian halerik husi maluk sira, liuliu sira ne’ebé kiak, kbit-laek no sofre. Liafuan Maromak ne’e, tuir nia, sai konkretu liuhusi figura 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, ne’ebé la taka nia tilun ba sofrimentu no halerik Povu Timor-Leste.
‘’ Konvida komunidade atu keta taka tilun ba lian halerik husi maluk sira, liuliu sira ne’ebé kiak, kbit-laek no sofre. Liafuan Maromak ne’e, tuir nia, sai konkretu liuhusi figura 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, ne’ebé la taka nia tilun ba sofrimentu no halerik Povu Timor-Leste. Tanba aten-brani ne’e, 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, hala’o planu no hakat mai iha fatin ne’e halo enkontru ho Komandante Em Xefe das FALINTIL 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, maski iha tempu ne’ebá situasaun seguru la fasil no inimigu sira halibur hela uma iha área ne’e. tamba prezensa iha tempu ne’ebá, tuir homilia, bele kompara ho 𝗯𝗲𝗲–𝗺𝗮𝘁𝗮𝗻 𝗯𝗼𝗼𝘁 ne’ebé Maromak hasulin ba Povu ne’ebé hamrok ba liberdade. Enkontru ne’e mós bele haree nu’udar enkontru entre bibi-atan ho nia bibi sira, ne’ebé buka tuir nia bibi atu hatudu dalan ne’ebé loos. No Iha Segunda Leitura, prezensa mos 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀 hatudu Igreja ne’ebé terus hamutuk ho nia Povu. Igreja, tuir mensajen ne’e, sei la husik nia Povu atu enfrenta sofrimentu mesak, maibé kontinua akompaña no hamutuk ho Povu iha situasaun hotu.
Entertantu:Misa Agradesimentu no inaugurasaun Monumentu 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀 iha Suku Mehara sai nu’udar momentu importante ida atu komunidade hanoin fila-fali istória, valor, aten-brani no misaun Igreja nian iha akompañamentu ba Povu Timor-Leste.
Jornalista;syli
Editor;El
