Lospalos rcl vp 13-10-2026= Prezidente Autoridade Munisipál Lautém, akompaña husi ekipa Sekretáriu Estadu Arte no Kultura (SEAK) no Sentru Nasionál Chega (CNC), hala’o enkontru ho autoridade sira husi provínsia Nusa Tenggara Timur (NTT), Indonézia, hodi koordena kona-ba preparasaun no partisipasaun iha atividade Festival Fronteira ba tinan 2026 nian
Iha enkontru ne’e, Prezidente Autoridade Munisipál Lautém no delegasaun halo diskusaun ho Sua Exelénsia Bupati Belu, Atambua, Bupati Timor Tengah Utara (TTU), Kefamenanu, no delegasaun Bupati Kupang ne’ebé reprezenta husi Sekretáriu Daerah no Asistente I.
Koordenasaun ne’e hala’o iha ámbitu kooperasaun entre autoridade lokal sira iha área fronteira Timor-Leste no Indonézia, liuliu atu diskute kona-ba atividade Festival Fronteira 2026, inklui forma partisipasaun no envolvimen autoridade no komunidade sira husi nasaun vizinhu.
Entertantu :Festival Fronteira 2026 sei hala’o durante loron tolu, husi 23 to’o 25 Outubru 2026, no atividade prinsipál sei realiza iha Munisípiu Lautém, Postu Administrativu Lautém, Suku Com.
