Lospallos rcl vp 30-10-2026= Autoridade Munisipál Lautém, liu husi Komisaun Organizadora, kontinua hala’o prosesu preparasaun ba eventu Festival Fronteira 2026, ne’ebé sei realiza iha Suku Com, Postu Administrativu Lautém, Munisípiu Lautém.
No Liu Husi Prosesu preparasaun ne’e akompaña diretamente husi Autoridade Munisipál Lautém, no Sekretáriu Estadu Arte no Kultura, no ekipa husi Centro Nacional Chega (CNC), atu asegura preparasaun ba realizasaun eventu refere
Tamba Festival Fronteira 2026 sei loke ho serimónia abertura ofisiál iha loron 23 Outubru 2026 no sei remata iha loron 25 Outubru 2026, iha área Areadores Portu Com, Munisípiu Lautém.
Tamba Eventu kulturál ne’e sei aprezenta programa animasaun oi-oin ba públiku, inklui aprezentasaun husi artista lokál, performance dansa tradisionál Timor-Leste nian, no partisipasaun husi delegasaun sira husi Timor-Leste no Nusa Tenggara Timur (NTT), Indonézia.
Ho tema “𝗜𝗻𝘁𝗲𝗿𝗸𝗮𝗺𝗯𝗶𝘂 𝗞𝘂𝗹𝘁𝘂𝗿𝗮𝗹 𝗯𝗮 𝗛𝗮𝗺𝗲𝘁𝗶𝗻 𝗥𝗲𝗸𝗼𝗻𝘀𝗶𝗹𝗶𝗮𝘀𝗮𝘂𝗻” ho subtema “𝗛𝗮𝘂 𝗻𝗶𝗮 𝗥𝗮𝗶, 𝗛𝗮𝘂 𝗻𝗶𝗮 𝗧𝗮𝘀𝗶 𝗻𝗼 𝗛𝗮𝘂 𝗻𝗶𝗮 𝗞𝘂𝗹𝘁𝘂𝗿𝗮”, festival ne’e sai oportunidade ida atu promove interkambiu kulturál, hametin relasaun entre komunidade sira, no valoriza riku-soin arte, kultura no tradisaun husi Timor-Leste no Nusa Tenggara Timur.
Aleinde animasaun muzika, festival ne’e sei aprezenta mós performance dansa tradisionál Timor-Leste nian, ne’ebé sei hala’o husi grupu sanggar sira no reprezentante husi postu administrativu ne’en (6) iha Munisípiu Lautém.
Nune’e, públiku hotu, liu-liu komunidade iha Munisípiu Lautém no sira ne’ebé mai husi Munisípiu seluk, konvida atu partisipa no hamutuk selebra diversidade kulturál, arte no tradisaun, nu’udar parte importante husi identidade no unidade entre povu sira.
Jornalista;sili
Editor;El
