Lospalos RCL VP 15-10-2025 = Sekretaria Estadu Komunikasaun Sosiál (SECOMS Sigla Portugés) servisu hamutuk ho Asosiasaun Radio Komunidade Timor Leste (ARKTL) hala’o interkámbiu ba jornalista rádiu komunidade, estudante no manorin sira iha ámbitu komemorasaun trajedia Balibo 5 ba dala limanulu (50) no selebrasaun loron nasionál liberdade imprensa ba dala tolu (3) iha Salaun Parókia Balibo-Bobonaro, tersa feira
Administradór Postu Administrativu Casemiro dos Santos agradese ba Governu liuhusi Sekretaria Estadu Komunikasaun Sosiál ne’ebé hili ona Postu Balibo hodi realiza programa interkambiu ba jornalista radio komunidade sira, estudante nomós manorin sira husi eskola públiku no privadu iha Munisípiu Bobonaro.
‘’ hau agradese ba Governu liuhusi Sekretaria Estadu Komunikasaun Sosiál ne’ebé hili ona Postu Balibo hodi realiza programa interkambiu ba jornalista radio komunidade sira, estudante nomós manorin sira husi eskola públiku no privadu iha Munisípiu Bobonaro’’ Dehan Administradór Postu Administrativu Casemiro dos Santos tersa feira 14/10/2025
Fatin hanesan Prezidenti Konsellu Imprensa António Cesar Moniz Mali hateten papel rádiukomunidade importante tebes atu esplora informasaun sira iha iha area rural tanba rádiu komunidade maka besik liu ba komunidade.
“Radio komunidade nia papél importante tebes tanba sira maka besik liu komunidade sira, imi bele promove produtu lokál ne’ebé komunidade sira iha, promove servisu komunidade sira nian”, dehan Cesar Mali.
Nia hatutan rádiu komunidade nia servisu fokus liu ba atividade sira iha area rurál liuhusi plataforma dijitál ne’ebé oras ne’e kria ona ba radio komunidade ida-idak nune’e bele esplora diak liu potensialidade sira iha area rurál ba nasionál inklui mos ba mundo.
“ Liuhusi website no radio streaming ne’e instala ona iha rádiu komunidade sira, itaboot sira bele lori ona informasaun sira iha area rurál ba ona mundo, ita bo’ot sira maka lori Timor ba Mundo”, tenik Nia.
Programa interkambiu ne’e hala’o durante loron 3 hahu husi loron 14-16 fulan outubru 2025, no liu husi formasaun website no rádiu streaming ba rádiu komunidade sira, estudante inklui manorin sira,no Partisipa iha formasaun ne’e Jestor no jornalista rádiu komunidade sira iha Timor Leste, Estundante Universitáriu (UNTAL,UCT,UNTL) inklui Manorin husi Eskola Teknika Informatika (ETI) Maliana, Escola Secundária Geral Dom Martinho da Costa Lopes Maliana, Colégio Infante de Sagres Maliana
Jornalista:Sinta
Editor;El
