LURO, RCL VP,22-10-2025: Secretariu Estadu Igualidade ka ( SEI) hamutuk ho Assosiasaun Feto Munisipiu Lautem ka ( AFEL) hala’o Monitorizasaun ba Grupu Feto iha Postu Administrativu Lospalos no Postu Luru Munisipiu Lautem, nebe asesu Fundus husi Secretariu Estadu Igualidade nian hodi halo aktividade Negosiu.
Cordenador Grupu Fiar Aan, Maria Dos Santos hateten, Orsamentu Nebe sira nia Grupu Asesu nee atu halo aktividade Negosiu liu husi Suru Tais hodi faan nune bele fasilita sira nia Nesesidade Ekonomia uma laran.
” Ami simu ona osan husi AFEL no ami halao ona aktividade suru tais, no dadaun nee ami foin suru seidauk fa’an, mais wainhira ami faan ami sei rai osan balun no balun ami uza ba nesesidade uma laran nian. Hateten Cordenador Grupu Fiar Aan, Maria Dos Santos 20/10/2025”
Prezidente AFEL Munisipiu Lautem, Rita Koliseu Amaral Fernandes,mos hateten, objektivu husi Monitorizasaun ne’e ,atu hare progresu aktividade grupu feto sira nian nebe durante ne’e hatudu progresu suru Tais ho dik
” objektivu husi monitorizasaun ba grupu sira nebe asesu ne’e fundus ho naran hadulas, tamba nee AFEL iha knar no responsabilidade atu hare no kontrola sira nia aktividade nebe sira halo tuir ,no ami moa observasaun husi AFEL katak grupu sira nee nia aktividade lao duni, no balun hetan ona rendimentu no balun foin iha hela prosesu nia laran.dehan Prezidente AFEL Munisipiu Lautem, Rita Koliseu Amaral Fernandes
Rita Koliseu Amaral Fernandes mos espera katak, liu husi fundus nebe nia parte simu husi secretariu estadu igualidade hodi apoiu ba grupu feto sira nee bele rezolve nesesidade komunidade nian iha futuru.
” hau iha esperansa boot katak, fundus ida nee sira sei maneza diak no utiliza didiak hodi aumneta sira nia ekonomia uma laran, no mos bele fo fila fali fundus refere ba konta bankaria asosiasaun nian nune bele ajuda fila fali ba grupu feto sira seluk nebe presija , no tuir dados grupu nebe secretariu estadu igualidade (SEI) liu husi afel apoiu nee hamutuk grupu 5, husi grupu nee grupu iha rua husi postu adminiatrativu lospalos mak hanesan grupu alfaete, grupu esperansa (hakiak manu) no iha postu administrativu luro iha grupu 3 mak hanesan grupu fiar aan ho nia aktividade ( suru tais), grupu ianafa (loke keos), no grupu (sigimata)
Entretantu husi grupu 5 nee hetan apoiu fundus husi secretariu estadu igualidade ( SEI) ho valor osan hamutuk rihun 10 resin, no dadaun nee assosiasaun feto lautem ( AFEL) aloka ona rihun 5 ba grupu 5 no kada grupu hetan valor orsamentu hamutuk rihun 1. ( 1.000).
Jornalista : Veru
Editor : El
