Lospalos rcl vp 29-04-2026=Sekretatiu Estadu Komunikasaun Sosial (SEKOMS) hodi representa IX governu konstitusional asina kontratu ho Radio Komunidade hamutuk 14, iha Timor laran Tomak hodi fasilita sira nia kobertura ba iha komunidade sira ne’ebé vulneravel sira liu-liu ba asunto sosial sira
Sekretariu Estadu Komunikasaun Sosial (SEKOMS), Expedito Loro Dias Ximenes hateten, kada tinan Governu apoiu osan ba Radio Komunidade sira tanba Radio Komunidade mak liña frente hodi fo informasaun ba komunidade sira
“Tinan tinan Governu aloka osan ba apoiu ba Radio Komunidade sira tanba sa, tanba Governu senti katak Radio Komunidade ne’e front liñe katak liña frente ba informasaun iha komunidade tanba ne’e maka bainhira ami halo visita hodi bele hare gestaun Radio Komunidade nian ami sempre husu tutan tanba Radio Komunidade ne’e forma husi komunidade” dehan Sekretariu Estadu Komunikasaun Sosial (SEKOMS), Expedito Loro Dias Ximenes iha Palasio Governu Dili
governante ne’e ,os hateten Radio Komunidade nia atividade ne’ebé halo kobertura iha munisipiu tenki fo atensaun ba atividade agrikultura, joven resistensia, joven Feto potensial no agrikultura sira ne’ebé halo produsaun tos no natar sira
“Radio Komunidade sira nia atividade maka tenki kobertura ba atividade ne’ebé halao iha munisipiu sira no tenke fo atensaun makas liu ba iha atividade agrikultór nian atividade joven resistensia sira nian atividade joven Feto potensial sira nian ho mos atividades ba agrikultór sira ne’ebé halo servisu ne’ebé halo produsaun iha natar iha tos no aktividade joven sira ne’ebé iha talenta ne’ebé diak karik iha musika ne’e bele konvida sira mai fahe esperiensia talk show ne’ebé halo iha estudio Radio komunidade” hateten Expedito Loro Dias Ximenes
Govenante nee mos salenta , orsamentu ne’ebé Governu fo ba Radio Komunidade hamutuk sanolu resin hat ne’e bazeia ba sira nia proposta no tuir sira nia relatoriu ne’ebé diak nebe tuir regras sira nebe mak iha
“Tanba ne’e maka osan ne’ebé Governu fo iha tinan ida ne’e, ne’e bazeia ba sira nia proposta, tantu laos fahe tuir ami nia hakarak lae mais bazeia ba sira nia proposta i nomos sira ne’ebé halo relatoriu ne’ebé diak tuir regra tanba ne’e mak sira mos hetan tuir sira nia proposta, tantu minimu Radio ida hetan seti to ortu mil, atu bele ajuda sira por ezemplu sosa antena karik presiza sosa mixer mikrofon sosa gravador atu bele sira halo gravasaun no mos gestaun administrativu ne’ebé sira bele halo iha sira nia Radio Komunidade” nia Informa
Iha sorin seluk Jestor Radio Komunidade Manufahe, Vasco Da Costa Mendes nia agradese ba IX Governu ne’ebé kontinua apoiu ba Radio Komunidade iha teritoriu Timor laran tomak nune’e dezenvolve mos ba Radio foun sira ne’ebé iha Timor Leste
“Primeiru agradese ba IX Governu ne’ebé mak kontinua apoiu hanesan parseria ho Radio Komunidade sira iha teritoriu laran tomak inklui mos dezenvolve tan Radio komunidade foun sira, entaun ho kontratu ida ohin hodi hametin relasaun entre SEKOMS ho Radio komunidade nune’e bele hasae servisu Radio Komunidade sira nia liu-liu produsaun lokal sira hanesan produsaun notisia ba ita nia maluk leitor sira” dehan jestor Radio Manufahe
Entertantu :iha enkontru SEKOMS Asina Kontratu Ho Radio Komunidade sanolu resin hat nebe pertense iha nasaun timor leste ne’e lao ho diak tamba hetan partisipasaun masimo husi sekertario estadu komunkasaun social ,ekipa husi Diresaun Nasional Dejenvolvimento Media Lokal ,Ekipa husi SECOMS , Gestor no Gestra husi radio komunidade hamutuk sanolu resin Hat (14) nebe pertense iha Nasaun Timor leste
Jornalista;silisy
Editor;El
