Lospalos rcl vp 12-11-2025=Ministériu Juventude Desportu Arte Kultura (MJDAK) liu husi Sentru Dezenvolvimentu Juventude Munisípiu Lautém, Serivsu hamutuk ho Postu Administrativu Lospalos implementa Selebrasaun loron Nasionais Juventude ba dala XX no Komemorasaun Masakre Santa Kruz ba dala XXXIV ne’ebé abertura husi Reprezentante Prezidente Autoridade Munisipál Lautém, nebe hala’o iha Suku Bauro, Postu Lospalos, Munisípiu Lautém.
Reprezentante Prezidente Autoridade Munisipál Lautém, Sekretáriu Munisipál Administrasaun no Finansas, Fransisco dos Santos hateten, ohin ita mai hamutuk iha fatin ida ne’e hodi halo reflesaun kona-ba loron 12 Novembru, ne’ebé situasaun akontese iha tempu tinan 1991 liu ba.
‘’ ohin hau mai hamutuk iha fatin ida ne’e hodi halo reflesaun kona-ba loron 12 Novembru, ne’ebé situasaun akontese iha tinan 1991 liu ba. Tamba ida ne’e, nudar Autoridade Munisípiu Lautém husu ba juventude rejionál Munisipál tamba Serimónia loron nasionais sira Autoridade Munisipál nafatin hala’o, nune’e dejafia ba juventude sira atu koordena ho Autoridade Munisípiu no Postu atu bele selebra loron históriku iha fatin ida, atu nune’e konvida Komunidade sira barak atu partisipa liu-liu sobrevivente 12 Novembru sira.’’hateten Reprezentante Prezidente Autoridade Munisipál Lautém, Sekretáriu Munisipál Administrasaun no Finansas, Fransisco dos Santos tersa feira 11/11/2025
Fransisco mos hateten, Juventude sira iha Munisípiu Lautém liu-liu iha Suku Bauro tenke sai exemplu di’ak ba komunidade sira, tamba uluk sira nia luta durante tinan 24 nia laran mak ohin loron Timor-Leste hetan libertasaun nune’e ohin loron ita bele livre.
‘’ Juventude sira iha Munisípiu Lautém liu-liu iha Suku Bauro tenke sai exemplu di’ak ba komunidade sira, tamba uluk sira nia luta durante tinan 24 nia laran mak ohin loron Timor-Leste hetan libertasaun total, hodi ohin loron ita bele livre,tamba Iha Selebrasaun ne’e iha mós seminariu ho tema “𝙃𝙖‘𝙪 𝙏𝙞𝙢𝙤𝙧 𝙊𝙖𝙣 𝙊𝙧𝙜𝙪𝙡𝙡𝙪 𝙃𝙤 𝙃𝙖‘𝙪 𝙉𝙞𝙖 𝙉𝙖𝙨𝙖𝙪𝙣“, enkuantu, orador sira mak hanesan Komandante Coronel Infantaria, “𝗦𝗿. 𝗕𝗲𝗻𝗲𝗱𝗶𝘁𝗼 𝗱𝗶𝗮𝘀 𝗤𝘂𝗶𝗻𝘁𝗮𝘀 “𝗣𝘂𝗻𝘂 𝗙𝗮𝗻𝘂” sei lori matéria mak Dignifika no Valoriza Juventude ba Dezenvolvimentu Nasionál,Orador segundu mak, Koordenador Comite 12 de Novembru Rejiojal Leste, 𝗦𝗿. 𝗟𝗶𝘁𝗼 𝗟𝗮𝗶𝘃𝗮𝗶 sei lori materia “Prosesu Envolvimentu Juventude ba Ukun Rasik aan no ba Dezenvolvimentu Nasionál,Orador Treseiru mak Treseiru Komandante Polísia Nasionál Timor-Leste (PNTL) Munisípiu Lautém sei lori matéria “Apoiu Juventude ba Seguransa Nasionál”,dehan Fransisco dos Santos
Jornalista;Silisi
Editor;El
