Lospalos rcl vp 17-06-2026= Preziente Autoridade Munisipál Lautém hamutuk ho Direto Nasionál Extensaun no Formasaun Agrikola hala’o Distribuisaun ba orsamentu kada funsionáriu extensionista sira iha kada Suku no Postu Administrativu sira hodi implementa programa Demo Plot Integradu hanesan Hortikultura, Pekuária no Peska, atu nune’e bele hasa’e produtu lokál hodi fornese ba iha merenda eskolár sira ne’ebé besik, iha sala Servisu Munisipál Agrikultura Munisípiu Lautém.
Prezidente Autoridade Munisipál Lautém melio de jesus iha nia intervensaun hateten, orsamentu ne’ebé distribui ona ba kada extensionista sira iha kada Suku no Postu Administrativu sira tenke jere tuir nesesidade sira ne’ebé presiza,
‘’ Orsamentu ne’ebé distribui ona ba kada extensionista sira iha kada Suku no Postu Administrativu sira tenke jere tuir nesesidade sira ne’ebé presiza, tanba orsamentu ne’ebé distribui hodi halo programa demo plot integradu ka toos uma huun hanesan Hortikultura, Pekuária, no Peska hanesan hakiak ikan, nune’e bele forneses ba iha merenda eskolár sira iha Munisipio Lautem,tanba programa Demo Plot integradu ida ne’e hanesan fó ezemplu ida ba komunidade sira iha terenu ne’ebé iha Suku no Aldeia sira, atu nune’e bele halo tuir programa sira ne’ebé extensionista sira halo.no ita presiza tebes halo koordenasaun ho funsionáriu sira Postu no apoiu Suku sira atu nune’e bele kontrola programa demo plot integradu ne’ebé implementa iha Suku no Postu Administrativu sira.hateten Prezidente Autoridade Munisipál Lautém 𝐌é𝐥𝐢𝐨 𝐝𝐞 𝐉𝐞𝐬𝐮𝐬
Prezidente Autoridade Munisipál Lautém fundamenta liu tan katak, orsamentu ne’ebé distribui ba extensionista sira ne’e tenke jere didi’ak, bainhira kuda modo kolleita hotu tenke ninia kontinua ho komuniti seluk, atu nune’e programa demo plot bele lao ba oin .
‘’ Orsamentu ne’ebé distribui ba extensionista sira ne’e tenke jere didi’ak, bainhira kuda modo kolleita hotu tenke ninia kontinua ho komuniti seluk, atu nune’e programa demo plot labele hotu.tamba Difikuldade funsionáriu sira kona-ba relatóriu, Prezidente Autoridade Munisipál Lautém sujere ba Diretor Nasionál Extensaun no Formasaun Agrikola, buka programa ida oinsá atu fó formasaun ba extensionista sira, atu nune’e sira bele iha kapasidade atu prodús relatóriu,Tanba extensionista sira mak sai promotor no manuál extensaun ba produtu lokál agríkola, hortikultura, Peska no Pekuária, nune’e bele forneses ba iha programa merenda eskolár.dehan Prezidente Autoridade Munisipál Lautém Melio de jesus
Iha fatin hanesan Direto Nasionál Extensaun no Formasaun Agrikola Januario marsal apresia ba servisu Prezidente Autoridade Munisipál Lautém tanba bele fó fiar ba servisu Agrikultura Munisípiu no servisu extensaun nian.
‘’ Hau apresia ba servisu Prezidente Autoridade Munisipál Lautém tanba bele fó fiar ba servisu Agrikultura Munisípiu no servisu extensaun nian,tamba Servisu Extensaun importante tebes liu-liu ba programa demo plot ne’ebé liga programa merenda eskolár nian, tanba Governu fó importánsia ba programa merenda eskolár, tanba bazeia ba manuál extensaun agríkola katak, Ministeriu Edukasaun hala’o promosaun ba utilizasaun ai-han nutritivu ba merenda eskolár.no Servisu extensaun iha Timor-Leste mak dokumentu tolu ne’ebé importante tebes, mak hanesan dokumentu ida kona-ba polítika extensaun agríkola, dokumentu kona-ba estratejia extensaun agríkola no dokumentu kona-ba operasionál mak manuál extensaun agríkola Timor-Leste.Enkuantu Orsamentu ne’ebé distribui ba extensionista sira iha kada Suku ho valór hamutuk $200 sei implementa ba programa demo plot integradu hanesan, Hortikultura, enkuantu Orsamentu ba kada Postu Administrativu nian mak hamutuk $700 sei implementa ba programa demo plot integradu mak hanesan, Hortikultura, Pekuária no Peska.
Jornalista;sisi
Editor;El
