Losaplos rcl vp 17-09-2026= Autoridade Munisipiu Lautem, liu husi serviso Municipal Munisipio Lautém halao encontru kona programa fila rai Epoka kultivu ba tinan Rihun rua rua nolu resin nen (2026) iha Sala Reuniaun Servisu Munisipál Agrikultura Munisípiu Lautém.
Diretór Servisu Munisipál Agrikultura Munisípiu Lautém Albertino Jeronimo 𝐀𝐥𝐛𝐞𝐫𝐭𝐢𝐧𝐨 𝐉𝐞𝐫ó𝐧𝐢𝐦𝐨, iha Abertura enkontru ne’e hateten objetivu prinsipál husi enkontru ne’e mak atu informa no koordena ho entidade relevante sira kona-ba preparasaun no implementasaun atividade fila rai Tamba tempu agora tama ona ba epoka fila rai.
‘’ Objetivu prinsipál husi enkontru ne’e mak atu informa no koordena ho entidade relevante sira kona-ba preparasaun no implementasaun atividade fila rai maran Tamba tempu agora tama ona ba epoka fila rai maran, nune’e importante atu halo koordinasaun di’ak, Entre Servisu Munisipál Agrikultura, Administrasaun Postu, lideransa suku no ekipa estensionista sira, atu nune’e fasilidade no ekipamentu sira bele uza ho efetivu iha terenuno Iha enkontru ne’e, mós diskute kona-ba preparasaun ekipamentu agríkola ne’ebé sei uza ba atividade fila rai. Tuir informasaun husi Servisu Munisipál Agrikultura, ekipamentu ne’ebé iha kondisaun di’ak hamutuk 𝟏𝟕 𝐮𝐧𝐢𝐝𝐚𝐝𝐞 𝐭𝐫𝐚𝐭ó𝐫, ne’ebé sei mobiliza atu apoia agrikultór sira iha preparasaun no fila rai maran ba epoka kultivu 2026’’
Diretór mos subliña katak,liu husi koordinasaun no enkontru ne’e, espera bele asegura katak ekipamentu sira prontu no fasilidade sira bele Disponivel bainhira atividade fila rai ba agrikultór sira hahú iha terenu.
‘’ liu husi koordinasaun no enkontru ne’e, espera bele asegura katak ekipamentu sira prontu no fasilidade sira bele Disponivel bainhira atividade fila rai ba agrikultór sira hahú iha terenu’’
Enkontru ne’e partisipa husi Diretór Servisu Munisipál Agrikultura Munisípiu Lautém, Xefe Departamentu Extensaun Agríkola, Administrador Postu Administrativu Lospalos, Xefe Suku Home, Souro no Muapitine, reprezentante Xefe Suku Bauro, no Koordenadór Estensionista sira.
Jornalista;sili
Editor;El
