Lospalos rcl vp 18-09-2026=Autoridade Munisípiu Lautém, liu husi Diresaun Servisu Munisipál Agrikultura Munisípiu Lautém, hala’o atividade kolleita batar iha Suku Luro, Postu Administrativu Luro, Munisípiu Lautém.
Programa kolleita batar ne’e parte husi implementasaun Programa Demo Plot Integradu Agrikultura, ne’ebé hala’o husi estensionista sira iha Suku no Postu Administrativu Luro.
Implementasaun programa ne’e nia objetivu mak atu promove no aumenta produsaun produtu lokál, liuliu iha setór agrikultura, no mós apoia komunidade sira atu dezenvolve prátika agríkola ne’ebé bele kontribui ba seguransa ai-han no ekonomia lokál.
Atividade kolleita ne’e mós sai nu’udar momentu importante atu haree rezultadu husi implementasaun Demo Plot Integradu Agrikultura, no hametin esforsu Autoridade Munisípiu Lautém iha promove dezenvolvimentu setór agrikultura iha territóriu Munisípiu Lautém.
Entertantu: Atividade kolleita batar ne’e lidera husi Diretor Servisu Munisipál Agrikultura Munisípiu Lautém, , ne’ebé akompaña husi Xefe Departamentu Programa Extensaun Agríkola, , reprezentante Administrador Postu Luro hamutuk ho estensionista, Xefe Suku Luro no funsionáriu sira husi Diresaun Servisu Munisipál Agrikultura.
Jornalista;sili
Editor;El
