Lospalos Rcl Vp 14-07-2026= Ajénsia TIC TIMOR I.P., liu husi Diresaun Dezenvolvimentu Sistema Teknolojia no Inovasaun (DDSTI) fó formasaun ba funsionáriu sira oinsá bele hatene utilizasaun iha área tékniku dijitalizasaun nian hodi nune’e bele atende Ba servisu iha Administrasaun Autoridade iha Sala VIP Administrasaun Munisipál Lautém.
No Formasaun ida ne’e importante tebes atu aumenta koñesimentu funsionáriu sira no reforsa koñesimentu kona-ba transformasaun dijitál no governu eletróniku, hodi bele utiliza sistema tékniku nian rekolla no jere dadus ho lalais hodi garante kualidade servisu, nune’e mós utiliza hodi fasilita komunikasaun ne’ebé seguru. Enkuantu Sistema Ofísiu funsiona hodi transforma servisu manuál ba eletróniku hodi aselera jestaun karta tama no sai. No Website nu’udar identidade institusionál hodi divulga atividade no informasaun ofisiál servisu nian.
Reprezentante Prezidente Autoridade Munisipál Lautém, Sekretáriu Munisipál Assuntu Sosias no Organizasaun Komunitária (ASOK) 𝐅𝐫𝐚𝐧𝐜𝐢𝐬𝐜𝐨 𝐃𝐨𝐬 𝐒𝐚𝐧𝐭𝐨𝐬 hateten, prezensa tékniku sira husi TIC Timor iha Administrasaun Autoridade Munisipál Lautém atu fó formasaun ba funsionáriu sira ne’ebé kada Diresaun delega ona ninia funsionáriu sira atu mai tuir formasaun iha área teknolojia nian ho nivel báziku.
‘’ prezensa tékniku sira husi TIC Timor iha Administrasaun Autoridade Munisipál Lautém atu fó formasaun ba funsionáriu sira ne’ebé kada Diresaun delega ona ninia funsionáriu sira atu mai tuir formasaun iha área teknolojia nian ho nivel báziku.tamba hau husu husu ba partisipante sira, partisipa formasaun ida ne’e ho másimu, tanba formasaun ida ne’e durante loron 8, ne’ebé oportunidade ida ne’e ho di’ak.matéria sira ne’ebé ekipa tékniku sira husi Ajensia Tic Timor I.P prepara mak matéria báziku, maibé importante tebes atu aprende nune’e futuru bele utiliza matenek sira ne’ebé durante hetan hodi aplika iha servisu fatin.
Iha fatin hanesan Reprezenta Diretor Exekutivu TIC Timor I.P Diretór Diresaun Dezenvolvimentu Sistema Teknolojia no Inovasaun (DDSTI) Ajénsia TIC TIMOR I.P Justo Fernandes hatutan ,Formasaun ida ne’e fas parte husi programa nonu Governu Konstituisional nian, ne’ebé foka liu ba área teknolojia, programa ida ne’e TIC Timor I.P ba programa konjunta ho INAP no Funsaun Públika.
‘’ Formasaun ida ne’e fas parte husi programa nonu Governu Konstituisional nian, ne’ebé foka liu ba área teknolojia, programa ida ne’e TIC Timor I.P ba programa konjunta ho INAP no Funsaun Públika, tamba Formasaun ida ne’e foku liu ba iha matéria Ofice, Word, Power Point, Exsel, Sistema oficio oinsá atu dijitaliza karta tama no sai halo despaixu liu husi sistema, Sistema armazén eletróniku no atu ativu dokumentu sira, Email Oficial nian no utiliza email hodi komunika no teknolojia matéria foun mak Artificial intelligence (AI). Tanba Governu atuál mai ho programa, oinsá atu utiliza Governu eletróniku, maibé presiza iha koñesimentu mínimu atu bele halo atividade sira bazeia ba teknolojia ida ne’e.
Entertantu: matéria ne’ebé ekipa tékniku Ajensia TIC Timor I.P prepara iha formasaun mak, Introdusaun TIC/ICT, Microsoft Word, Microsoft Power Pint, Microsoft Exsel, Cyber Security, Sistema Ofísiu, E -mail Ofisiál no Website ba funsionáriu atu nune’e bele fasilita servisu Administrasaun loroloron nian.
Jornalista;silisy
Editor;El
