Lospalos rcl vp 22-05-2025 =Timor leste restaura ona nia independensia ba dala rua nolu resin hat maibe povo lautem kontinua Infrenta Dezenvolvimentu ne’ebe durante ne’e sei in sufesente.
komunidade, lider komunitaria, no veteranus sira nia prespektiva kona ba dezenvolvimentu iha lautem sei in sufesente maske, timor leste restaura ona nia independensia maibe, sira kontinua hasoru difikuldade hanesan Estrada,pontes no setor agrikultura ne’ebe, dadaun ne’e sai difikuldades ba povo lautem,atu asesu estrada ne’ebe diak, no oinsa atu moderniza setor agrikultura hodi hasa’e Rendimentu povo nian iha lautem.
tamba ne’e sira ejije ba guvernu atu hadia estrada husi postu lautem ba kapital munisipiu nian nune’e mos, estrada diresaun husi lospalos ba postu iliomar ne’ebe dadaun ne’e kondisaun at grave iha tempu udan, difikulta komunidade sira nia movimentu ba mai.
Maske Dezenvolvimentu balun hahu la’o ona maibe, povo iha area remotas sira la dauk sente ba dezenvolvimentu li-liu Estrada, saude, edukasaun,no seluk tan, tamba ne’e atu ba hatene prespektiva husi povu lautem nian tuir mai ita ba akompanha komunidade sira nia prespektiva.
Relasiona ho preukupasaun ne’e, prezidente autoridade munisipal lautem, Melio de jesus mos hateten,nia parte rekonhese difikuldade hirak ne’e maibe, dezenvolvimentu hahu balun lao’o ona, no balun sei dauk lao tamba Projectu Rehabilitasaun estrada husi lautem ba kapital munisipio nian ne’e,dadaun ne’e iha ona prosesu rehabilitasaun ba estrada nasional iha lautem.
‘’Hau mos rekonhese difikuldade hirak ne’e maibe, Dezenvolvimentu hahu balun lao’o ona, no balun sei dauk lao tamba Projectu Rehabilitasaun estrada husi lautem ba kapital munisipio nian ne’e,dadaun ne’e iha ona prosesu rehabilitasaun ba estrada nasional iha lautem’’ prezidente autoridade munisipal lautem, Melio de jesus
Entertantu: tuir Autoridade Munisipal ne’e kompromete katak, iha tinan rehun rua rua nolu resin walu rehabilitasaun estrada husi lautem ba kom,lautem ba kapital munisipio, no trisula ba tutuala sei finalija iha tinan rehun rua rua nolu resin walu, enkuantu estrada lospalos ba iliomar, no lospalos ba lore dadaun ne’e iha ona prosesu atu halo rehabilitasaun Estrada.
Jornalista;Nito
Editor;El
