Lospalos rcl vp 18-05-2026= Autoridade munisipio lautém serviso hamutuk ho kompanha Isme’s liberosis Unip LDa hodi harin Ai Rin Boot hamutuk 4 (Hat) ba Uma Adat Lê Jiawal nian iha Munisípiu Lautém,tamba uma Adat le’e jiawal nu’udar símbolu identidade nasaun Timor-Leste nian, liu liu iha Munisipo laut’em
Liu husi harii Ai Rin Boot 4 (Hat) ba Uma Adat Lê Ziawal iha munisipio laut’em ne’e iha mos serimónia rituál ne’ebé lidera husi Lia na’in Suku Fuiloro, 𝐅𝐫𝐚𝐧𝐜𝐢𝐬𝐜𝐨 𝐝𝐢𝐚𝐬 𝐐𝐮𝐢𝐧𝐭𝐚𝐬, husi rituál ne’e hanesan hameno, tesi hudi kain no haree fahi nia aten, ne’ebé hatudu Ai Rin 4 (Hat) ba Uma Adat ida ne’e metin ba tempu naruk nune’e mós Tekniku sira husi Kompana ne’e servisu sei la hetan asidente ruma to’o Konstrusaun Uma Adat ne’e remata.
Prezidente Autoridade Munisipal Lautem 𝐌é𝐥𝐢𝐨 𝐝𝐞 𝐉𝐞𝐬𝐮𝐬 hateten, Autoridade Munisipál Lautém ohin hamutuk ho tékniku sira husi Kompañia ISME’S LIBEROSIS Unip Lda harii fali Ai Rin Bot ka “Tutu Kaka” hamutuk 4 (Hat), hodi konstrui fali Uma Adat Lê Ziawal iha Munisípiu Lautém nian.
‘’ Autoridade Munisipál Lautém ohin hamutuk ho tékniku sira husi Kompañia ISME’S LIBEROSIS Unip Lda harii fali Ai Rin Bot ka “Tutu Kaka” hamutuk 4 (Hat), hodi konstrui fali Uma Adat Lê Ziawal iha Munisípiu Lautém nian,Tanba Uma Adat Munisípiu Lautém nian nu’udar símbolu no identidade nasionál Timor-Leste nian ne’ebé ema hotu hatene, nune’e Governu lokál nia polítika no Planu liu husi Programa Planu Dezenvolvimentu Integradu Munisipál (PIDI) atu konstrui filafali Uma Adat Lê Ziawal,tamba Projetu Uma Adat ida ne’e husi Planu Dezenvolvimentu Integradu Munisipal (PDIM) 2024 nian ne’ebé kompañia ISME’S LIBEROSIS Unip Lda mak kona, maibé prosesu kleur tanba difikulta husi Ai Riin 4 (Hat) ho ida ne’e esforsu husi kompañia bele konsege hetan Ai Riin hanesan Ai Besi no Ai Bubur no materiál sira seluk hodi konstrui Uma Adat.no
Serimónia kulturál “Ai Rin Boot” ka lian materna Fatalutuk ‘Lutu Kaka’ tanba Ai Rin haat ne’ebé apoia Uma leten ne’e nu’udar pilár ka fundasaun prinsipál ba Uma Adat. Prosesu to’o hamriik Ai-Rin boot ne’e la’os servisu fíziku de’it, maibé akompaña ho rituál ruma, hanesan fó han bei’ala sira no rituál fakar raan animál nian nu’udar sasin ba sagradu no husu lisensa.Projetu Uma Adat responsavel husi kompañia lokál ISME’S LIBEROSIS Unip Lda ho valór Orsamentu hamutuk $91,592.48.
Jornalista;Sysi
Editor;El
