Lospalos rcl vp 31-10-2025=komunidade suku com, iha uma hamutuk tolu mak sei afeta ba prosesu rehabilitasaun Estrada lautem com, lider komunitariu seidauk iha serteza atu fo kompensasaun.
Xefe suku com Sergio jose crestovao hatoo asuntu nee, antes ba iha serimonia lansamentu fatuk dahuluk ba Estrada lautem com, tamba dadaun nee nia parte seidauk iha informasaun atu fo kompensasaun ba komunidade nia uma hamutuk tolu ne’ebe sei afeta wainhira rehabilitasaun Estrada refere halo.
“iha suku kom iha sefe da familia 6 mak afetadu, 3 mak afeta ba sira nia uma, depois 3 nee afeta ba nia ai horis hanesan nu’u. iha 2022 iha hanoin ida sira mai halao levantamentu dados supmete on aba loke konta bankaria mais tamba iha momentu ne’eba sira fo hatene katak nee programa ADB tamba la realiza, nonu governu mai mak realiza muda fali ba orsamentu geral estadu, ami rona hanesan nee depois ba indeminizasaun foin dadaun iha enkontru iha municipal hamutuk ho primeiru ministru ko’alia duni iha ne’eba la toka tamba oinsa ami atu kopera hamutuk ho kompanha para Estrada la’o diak. Hau ladun hateten tamba too ohin loron nia prosesu seidauk to ba iha ne’eba.” Hateten Sergio jose cristovao 30/10/2025
Hatan ba preokupasaun ne’e Ministro Obras Publika Samuel Marcal konfirma katak, kona-ba konpensaun komunidade sira nia uma no ai-horis ne’ebe sei afeta wainhira prosesu rehabilitasaun Estrada refere, nia parte seidauk halo konfirmasaun ho kompanha no autoridade lokal. Maibe, tuir ministru obras publicas nia observasaun katak espasu ba Estrada refere la fo impaktu ba komunidade sira nia uma no aihoris.
“hau hanoin nia prosesu depois mak halo konfirmasaun portantu agora hau seidauk rona informasaun ruma katak komunidade husu indeminizasaun tamba estrada rehabilitasaun mai nee la fo impaktu ba iha uma balun nebe iha, espasu ne’e fo hela para atu halo Estrada.”
Entretantu :rehabiliasaun Estrada husi Lautem mai iha suku Com nee kilometru hamutuk (19.760) ho nia pakete rehabilitasaun baleta no ponte, ho duransaun tempu tinan ida.
Jornalista;Veru.
Editor;EL
