Lospalos rcl vp 15-05-2026=Durante udan semana 2 iha lautem, rejulta uma kain atus ida tolu maka afeita inundasaun iha postu lospalos vila.
Prezidente Autoridade munisipal lautem, melio de jesus informa katak, relasiona ho iklima udan monu rai durante semana rua nia laran ne’e, autoridade munisipal hamutuk ho obras publiku,APC, MSS, Jestaun Dejastre Munisipal, no diresaun servisu teritorial iha lautem, tun direita hodi halo observasaun ba komunidade sira ne’ebe, afeita ba inundasaun.
‘’ Relasiona ho iklima udan monu rai durante semana rua nia laran ne’e, autoridade munisipal hamutuk ho obras publiku, APC, MSS, Jestaun Dejastre Munisipal, no diresaun servisu teritorial iha lautem, tun direita hodi halo observasaun ba komunidade sira ne’ebe,afeita ba inundasaun.tamba tuir hau nia observasaun ne’e, konsege detekta be’e tama komunidade sira nia uma laran, no sasan uma laran hetan estragus husi inudusaun, no komunidade sira nia fahi be’e lori, enkuantu ba familia afetadu sira ne’e kondisaun diak hotu maibe, sasan balun maka hetan estragus husi inundasaun.
Relasiona ho inundasaun ne’e jornalista rcl tenta atu halo konfirmasaun ba parte jestaun dejastre iha munisipio lautem maibe, la bele fo komentario tamba sei okupadu hela ba dadus vitima sira nian, no fo deit dadus provijorio ne’ebe ekipa sira foti ona iha terenu ne’e, iha uma kain atus ida tolu maka be’e tama sira nia uma,no dadaun ne’e sira sei kontinua buka tuir vitima sira seluk nia dadus.
alinde inundasaun be’e tama komunidade sira nia uma, iha mos estrada balun hetan estragus husi udan be’en no parte diresaun lospalos ba iliomar estrada kotu no at grave, no lospalos ba lore mos dadaun ne’e kondisaun at, no ameansa atu kotu.
Jornalista;Nito
Editor;El
