Lospalos rcl vp 18-05-2026=Ralasiona ho udan boot nebe akontese iha loron sanolu resin rua too loron sanolu resin hat fulan maio tinan ida ne’e , Uma komunidade hamutuk 80 Resin mak mak afeita Inundasaun iha postu administrative lospalos Munisipio lautém
Liu husi inundasaun ne’e Autoridade Protesaun Sivíl (APC) Munisípiu Lautem liu husi Komandante Munisipál APC,no Korpu Bombeiro serviso hamutuk , hodi halo intervensaun rápida hodi aségura komunidade sira husi fatin risku refere , inklui tesi-ai hirak ne’ebé satán bee-dalan.
Relasiona ho akontesimentu udan-bo’ot iha parte Leste hahú iha loron 12-14 fulan maio tinan 2026, rezúlta bee sa’e no afeta ba uma komunidade sira hamutuk uma kain Ualu-nulu (80) resin iha Postu Administrativu Lospalos, Munisípiu Lautém.
Perante akontesimentu ne’e, Autoridade Munisipal Lautém liu-husi Prezidente Autoridade Munisípiu Lautém Mélio de Jesus, inklui servisu Munisipál Protesaun Sivíl hamutuk APC to’o kedas fatin akontesimentu hodi observa direta uma komunidade sira ne’ebé bee-tama hodi halo estragus.
Aleinde ne’e, APC mós koopera hamutuk servisu Munisipál Protesaun Sivíl no Cruz Vermelha Timor-Leste (CVTL) filial-Lospalos, hodi halo asesmentu nomós levantamentu dadus vítima dezastre inundasaun ne’e, vítima afetada bee sa’e (inundasaun) ne’e kompostu husi, Aldeia Lospala, Bemoris no Aldeia Kuluhun, Suku Fuiloro, Postu Administrativu Lospalos.
Enkuantu iha akontesimentu ne’e rezúlta uma komunidade sira inklui sasán uma laran hetan estragus inklui balada haki’ak komunidade nian bee konsege lori, maibe iha inundasaun ne’e la rezúlta ema ruma kanek ou lakon vida.
entertantu :liu husi inudansaun ne’e , ekipa APC sei kontinua hala’o assesmentu no levantamentu dadus iha loron tuir mai, no hakarak reláta mós situasaun klima jerálmente daudaun ne’e iha Munisípiu Lautém, kalohan sei taka metin no kontinua udan ho intensidade fraku-forte iha parte Leste.
Jornalista;Nito
Editor;El
